Popular Bible Verses from Matiyo 15

Share

Awgaid yang malogwa sikun sang baba ng otaw magasikun sang pangatayan, aw idto yang amakabatar kanan. Kay sikun adto suud ng pangatayan ng otaw yang maat na dumduman na mag-onawa ng pagpatay, yang pagjina, yang pag-inang ng kadopangan, pagpangawat, pamakak aw yang pagpitna.

Yang makabatar sang otaw dili ng pagkan na ilasak nan sang baba nan kondi yang maat na pyaglaongan na malogwa sikun sang baba nan.”

“ ‘Yani na mga otaw yagapoji kanak sang baba gaid nilan, awgaid mawat kanak yang pangatayan nilan. Way siyat yang pag-ibada nilan kanak kay yang pyaga-indo nilan mga sogowan na ininang gaid ng otaw, awgaid yagalaong silan na sogowan inyan ng Tohan.’ ”

Ansinyan yagalaong kanan si Isa, “Kay Bi, dakowa yang pagpangintoo mo! Amatoman da yang pyangayo mo.” Aw sinyan na wakto yamadyaw da yang anak nan.

Awgaid yang ininang ng bobay, syomojod yan sa atobangan ni Isa aw laong nan, “Kay Dato, tabangi ako.” Awgaid tyomobag si Isa aw laong nan, “Dili ng madyaw aw akamangun yang pagkan ng mga isu aw idami adto sang mga ido.” “Bunna sagaw, kay Dato,” yagalaong yang bobay, “awgaid maskin yang mga ido makakan ng momo na amallog sikun sang lamisa ng tagtomon nilan.”