Popular Bible Verses from Marcos 4

Share

Jesusasti sartasinjja thayarojj tokenokänwa. Kotarusti saraquïnwa: —¡Amuct'am! ¡T'acuraraquim! —sasa. Thayasti t'acurjjänwa, mathapinacasti chhaktawayjjaraquïnwa. Ucatsti Jesusajj discipulonacaparojj saraquïnwa: —¿Cunats ucatak sustjasipjjta? ¿Cunatarac jan iyawsañanïpjjtasti? —sasa.

Discipulonacapasti wal ajjsarapjjäna, jupanac puraraquiw parlarasipjjäna: —¿Qhitiraquïpach acasti? ¡Juparojj thayas kotas jaysaquiraquisä! —sasa.

Jesusasti khepäjj c'uchun ch'ijmt'asisin iquiscäna. Discipulonacapasti jupar sartayasinjja sapjjänwa: —Yatichiri, ¿janit amuycta jiwarascaquiñäniti? —sasa.

Ucjjarusti sascaquïnwa: —Cuntejj ist'apctas ucatjja amuyt'asipjjam. Cuna tupumpitejj mayninacar tupt'apcätajja uca tupumpiraquiw jumanacarojj tupt'atäni. Ist'apctas ucanacarojj ucat juc'amp yapjjatatäniwa.

Jesusasti sascaquïnwa: —Diosan reinopajj cunjämtï phawantat jathajj jilsuwayqui uqhamar uñtasitawa. Jakejj jatha phawantasinjja utapar iquiriw sarjje, ucatsti sartjjaraquiwa. Uqhamaw urus arumas pasawayi. Jathasti ucchañcamajj alsunisinjja jiltiwa, ucampis yapunejj janiw yatquiti jathan cunjäm jiltatapsa.

Jumanacatejj ist'añ munapjjstajja, ist'apjjam —sasa.