Popular Bible Verses from Mateo 5

Share

Janiraquiw mä lamparasa jamasaru uchañataqui aktayatäquiti, jan ucasti khanawjar uchatäñapawa take uta mankhanquirinacaru sum khantañapataqui. Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

“Jumanacäpjjaractawa acapach khanajja. Mä kollu patanquir marcajj janiw cunjämatsa imantascaspati.

“Cusisiñanïpjjew k'oma chuymaninacajja, jupanacaraquiw Diosarojj uñjapjjani.

“Cusisiñanïpjjew qhitinacatejj Diosan munañaparjam sarnakañat awtjayasipjje, pharjayasipjjaraqui ucanacajja, Diosaw jupanacarojj uc phokhañjja yanapani.

Ucampis nayajj sapjjsmawa: Uñisirinacamarojj munapjjam, [maldicirinacamarojj bendicipjjam, uñisirinacamarusti asqui lurapjjam,] Diosat mayirapipjjaraquim qhitinacatejj [jumanacar tokepctam,] uqhamarac jan walinacs lurapctam ucanacataquisa.

“Cusisiñanïpjjew qhitinacatejj ajay token aynacht'atäpjjatap amuyasipjje ucanacajja, Diosan reinopajj jupanacancaraquiwa.

“Cusisiñanïpjjew sumancayirinacajj, jupanacaraquiw Diosan wawanacapa satäpjjani.

“Cusisiñanïpjjew jachirinacajja, jupanacasti Diosampi chuymachatäpjjaniwa.

“Cusisiñanïpjjew qhitinacatejj Diosan munañaparjam sarnakatap laycu uñisitäpjje t'akhesiyatäpjjaraqui ucanacajja, Diosan reinopasti jupanacancaraquiwa.

“Cusisiñanïpjjew qhitinacatejj qhuyapayasirïpqui ucanacajja, Diosasti jupanacatjja qhuyapt'ayasiraquiniwa.

“Cusisipjjam cunapachatejj jakenacajj take jan wali arunacampi, uqhamarac janchiru chhojjriñchañanacampi uñisipjjätam, sapjjaraquïtam take jan walinaca nayar arcapjjatam laycu ucqhajja. Cusisitaqui jacasipjjam, jumanacasti alajjpach marcanjja churäwinac catokapjjäta. Uqhamaracwa nayra profetanacarojj uñisipjjerïna, qhitinacatejj jumanacat nayrakata jacawayapjjäna ucanacarojja.

“Cusisiñanïpjjew llamp'u chuymaninacajja, jupanacaraquiw Diosan arsutaparjama orake catokapjjani.

“Jumanacäpjjtawa acapach jayojja, ucampisa jayutejj ch'apakquipstaspajja ¿cunampis jayunchatäspajja? Janiwa cunataquis walïcjjaspati, jan ucasti apanucuñataquiquiwa uqhamata jakenacampi taquisitäñapataqui.

Asquïpjjamaya, cunjämatejj alajjpachanquir Awquimajj asquïqui uqhama.

Jumanacan arsuñamajja acaquïñapawa, “Jïsa”, jan ucajj “janiwa”, ucat juc'ampejja supayatwa juti.

“Ist'apjjaractawa cunatï satäcänsa ucjja: “Uñcatatajja, uñcataraquim; tokjjatajja, tokjjaraquim” sasa. Ucampis nayajj sapjjsmawa: Jan jumanacajj jan wali jakerojj cutcatapjjamti, jan ucasti maynitejj maysa ajanut t'ajjllintätamjja, maysa ajanumppacha uñacht'ayaraquim.

“Uca laycu, cupi nayramatejj juchar puriyirjamästam ucqhajja, apsusina jayar liwtam. Walïspawa mä nayrama janchiman chhakhañapaqui takpacha jañchima infiernor jakontatäñat sipansa. Jan ucajj cupi amparamatejj jan waliru puriyirjamästamjja, qharekasim ucatsti jayar liwtam. Walïspawa mä amparama janchiman chhakañapaqui, takpach janchima infiernor jakontatäñat sipansa.