Popular Bible Verses from Lucas 5

Share

Parlañ tucuyjjasinsti Simonarojj sänwa: —Jichhajj aca botjja juc'amp mankharu apam, ucatsti känanacam jakontapjjam chawlla catsuñataqui —sasa.

Simonasti ucjjaruw Jesusar säna: —Yatichiri, arum pakariw irnakapjjta “chawlla catsuñäni” sasa, ucatsti janiraquiw cuns catupcti. Ucampis juman arsutamaruw kän jakontä —sasa. Jakontatatsti uca känarojj chawllajj phokt'änwa. Janiraquiw apsuñjamäcänti, känasti niya ch'iyjtascänwa.

Ucampis Jesusajj wasar chekanacaruw sarjjäna, uca chekansti oración luräna.

Janiw asqui jakenacar jawsir jutcti, jan ucasti juchararanacar jawsiriw jutta, jupanacajj juchanacapat arrepientisipjjañapataqui —sasa.

Uc uñjasinjja Simón Pedrojj Jesusan nayrakatapar quillt'asisinwa saraqui: —Saraket, Tata. Nayajj juchararätwa —sasa.

Jesusasti jupanacarojj sänwa: —C'umaranacataquejj janiw kolliri munasquiti, jan ucasti usutanacataquiw kollirejja munasejja.

Ucatsti kota thiyaru botenac jaytawayasinjja take cuna apanucusinwa Jesusampi sarjjapjjäna.

Cunapachatï Jesusajj mä marcanccäna ucqhaw jupan ucarojj mä lepra usun jakejj purini. Jesusar uñcatasinjja orakcam ajanup alt'asaw achict'asïna: —Tata, munstajja, kollt'asitasmawa —sasa. Ucatwa Jesusajj juparojj amparapampi llamct'äna, aqham sasa: —Muntwa, c'umaräjjam —sasa. Uc arsquipanwa uca lepra usupajj chhaktawayjjäna.

Ucampis Jesusan take ucanac luratapajj juc'ampiw yatisïna, ucatsti walja jakeraquiw jupar ist'irejj jutapjjäna, uqhamarac usunacapat kollatäñataquisa.