Popular Bible Verses from Juan 15

Share

“Nayätwa uva alejja, jumanacasti layminacäpjjtawa. Qhititejj nayampi mayaquïchi, nayasti jupampi mayaquiraquïta, uquïrejj walwa achuraqui, uqhamasti jumanacajj jan nayampejj janiw cuns lurapcasmati.

Jumanacajj nayampi mayaquïpjjam, cunjämatejj nayajj jumanacampi mayaquïtjja uqhama. Mä laymi sapajj janiw achcaspati, janitejj alipampi mayaquïcchi ucajja; uca pachparaquiwa jumanacajj jan achupcasmati janitejj nayampi mayaquïpcasma ucajja.

“Jumanacatejj nayampi mayaquïsipcätajja, janirac yatichäwinacajj armapcäta ucajja, mayipjjam cuntejj munapcäta uca, ucatsti churatäpjjätawa.

Janiw jumanacati nayar ajllipquista, jan ucasti nayaw jumanacar ajllipjjsma sarapjjañamataqui, uqhamaraqui walja achupjjañamataqui, uca achusti acht'añapataquiraqui. Uqhamatwa cuntejj nayan sutejjar mayipcäta ucjja Awquejj churapjjätam.

Janiw juc'ampi jach'a munasiñanejj utjcaspati cawquïritejj amigonacap laycu jacañap apt'asquis ucat sipanjja.

Cawquïri layminacajjatejj jan achqui ucanacarojj jupajj qhuchhuraraquiwa, ucampis cawquïri layminacatejj achqui ucanacarojj k'omacharaquiwa juc'ampi achuñapataqui.

Nayan camachejjajj acawa: Munasipjjam maynit maynicama, cunjämtejj nayajj jumanacar munasipjjsma uqhama.

Awquejjajj jach'achatawa cunapachatejj jumanacajj walja achupcta ucqhajja, uqhamatwa uñacht'ayapjjaracta nayan chekpach discipulonacajjätanacama.

“Nayajj chekpach uva alïquiristsa uqhamätwa, Awquejjasti yapuchirïcaspasa uqhamaraquiwa.

Qhititejj jan nayampi mayaquïcchi ucajja, jaksutäniwa, ucatsti cunjämatejj mä waña layminacajj apthapita ninaru phichhantatäñataquejja uqhamäniwa.

“Aqhamjja nayajj jumanacar parlapjjsmawa nayampi cusisipjjañamataqui, cusisiñampi phokt'atäpjjañamataquiraqui.

Nayan camachinacajjtï phokhapjjäta ucajja, nayajj munasipcsma uca munasiñanwa sarnakapjjäta, cunjämtejj nayajj Awquejjan camachinacap phoktjja uqhamarac jupajj nayar munasitu ucanaracwa sarnakta.

Acwa jumanacar ewjjapjjsma: Maynit maynicama munasipjjam.

Jumanacatejj acapachanquirïpjjasmajja, acapachanquir jakenacajj munasipjjeristamwa jupanacanquirirjama. Ucampis nayaw jumanacar ajllisipjjsma acapacha taypita, ucatwa acapachajj uñisipjjtam, jan acapachanquirëjjapjjatam laycu.