mä kawkha tiempo pasipansti Potifaran warmipajj Josearuw uñch'ucjjäna, ucat mä urojj aqham säna:
—Nayampi ict'ascam —sasa.
Ucampis Joseajj janiw muncänti, saraquïnwa:
—Jumajj uñjtawa, uywirejjajj take yänacapwa nayar catuyitu, nayan acancquipansti janiw jupajj cunatsa llaquiscaraquiti. Aca utanjja nayaw jilïritjja, uywirejjasti janiraquiw cunsa “Janiw” sisquitutejja, jan ucasti juma sapacwa janejj churquitutejja, jumajj warmipätam laycu. Ucatsti ¿cunjämaraqui nayasti uywirejjarusti uca jan wali luririststi, uqhamarac Dios contrasa juch luraraquiriststi? —sasa.