Popular Bible Verses from Éxodo 5

Share

Moisesampi, Aaronampejj Faraonan ucar mantasinjja sapjjänwa: —Israelan Tatitu Diosapajja aqham siwa: “Marcajjaru antutam wasararu sarjjapjjañapataqui, ucanwa nayaru cusisita yupaychapjjetani” —sasa.

Cunapachattejj faraonampi sutimat parlir sarcta uca urutjja jupajj juc'ampiw marcamarojj t'akhesiyi, ucampis jumajj janiw cunsa lurctati khespiyañataquejja —sasa.

Moisesasti Tatituruw mayïna: —¡Dios Tata! ¿Cunatsa aca marcamaru jan wali lurta? ¿Cunatsa nayarus qhithanista?

Ucat faraonasti sänwa: —¿Qhitisa Tatitojja, arup ist'añajjataquejja, uqhamarac israelitanacarus sarjjapjjañapataqui antutañajjataquejja? Janiw nayajj Tatiturojj uñt'cti, uca laycusti janiw antutquiristti israelitanacaru sarjjañapataquejja.

Ucampis mayipjjätawa kawkha adobenactejj jichhacama lurapqui ucatjja, janiw mayas menosäñapäquiti. Jupanacasti jayranacäpjjewa ucatwa jach'at arsusipjje: “Nanacajj sarjjapjjä Diosajjaru sacrificionac loktiri” sasa. Jumanacasti, wali lurayapjjam uca jakenacaru, uqhama wali lurañanacampejja janiw ist'apcaniti jan wali c'ari arunacjja.