Popular Bible Verses from LUCAS 9

Share

Ukxarusti taqiniruw sarakïna: —Maynitix nayar arkañ munchituxa, jupa kipkat armt'aspan, cruzap apt'at sapür arkitpan.

Jakañap qhispiyasiñ munirix apt'asiniwa, ukampis naya layku jakañap apt'asiristi qhispiyasiniwa.

Jesusasti juparux sänwa: —Khititix qhulliñ arma katxarusin qhipäx uñch'ukiskaki ukax, janiw Diosan qhapaq markapatak askïkiti —sasa.

Jaqitakix ¿kuna askirakïspa aka uraqpachax jupankxaspa, ukat jakañap apt'asispa ukasti?

Ukampis maynitix nayata, arunakaxatsa p'inqaskani ukaxa, Jaqin Yuqapax jupat p'inqasirakiniwa kunapachatix jupax qhapaq kankañampi, Awkipan jach'a kankañapampi, qullan angelanakamp jutkani ukkhaxa.

Jesusax juparux sarakïnwa: —Qamaqinakax putunakaniwa, jamach'inakas tapanirakiwa; ukampis jaqin Yuqapan janiw kawkhar p'iqip waynuqt'añapas utjkiti —sasa.

jupanakarusti sarakïnwa: —Khititix aka wawar sutixar katuqki ukax nayaruw katuqitu; khititix nayar katuqkitu ukasti khithankitu ukaruw katuqaraki. Ukhamasti khititix jumanak taypin juk'amp jisk'äki ukaw jach'ar tukuyatäni —sasa.