Popular Bible Verses from JUAN 6

Share

Jesusasti jupanakarux sänwa: —Nayätwa jakañ churir t'ant'axa. Nayan ukar jutirix, janiw mayampis manq'at awtjayaskxaniti; nayar iyawsiristi, janiw mayampis umat pharjayaskxaniti.

Ajayuw jakañ churirixa; janchix janiw kunatakis askïkiti. Kunanaktix nayax jumanakar sapksma ukax ajayun jakañ churir arunakawa.

Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.

Awkixan munañapasti akawa: Taqi khititix Diosan Yuqapar uñt'ki, jupar iyawskaraki ukax wiñay jakañanïñapawa; nayasti tukuy urun jupanakar jiwatat jaktayä —sasa.

Jesusasti jupanakarux sarakïnwa: —Diosax jupan khithanitapar iyawsapxañam muni, ukaw luräwipaxa —sasa.

Taqi khitinaktix Awkix katuykitu ukanakax nayaruw juti; khititix nayar jutki ukarusti janiw anqar jaqunukuñaxax wakiskiti.

Simón Pedrosti juparux sänwa: —Tatay, ¿khitin ukarurak sarapxästi? Juman arunakamax wiñay jakañ arunakawa.

Nayätwa alaxpachat saraqanir jakañ churir t'ant'axa; khititix aka t'ant'at manq'kani ukax wiñayatakiw jakani. Nay churkä uka t'ant'ax nayan janchixawa, uksti akapachan jakañanïñapatakiw churä —sasa.

Janiw khitis nayar jutkaspati, janitix khithankitu uka Awkix irpankaspa ukaxa; nayasti qhipa urun jakatatayä.

Diosax churki uka t'ant'ax alaxpachat saraqani, jupasti akapacharux jakañ churaraki —sasa.

Nayätwa jakañ churir t'ant'axa.

Jesusasti t'ant'anak amparapar katusin Diosaruw yuspagaräna, ukatsti qunuratäpkän uka jaqinakaruw lakintayäna. Chawllanaksti uka kipkarak lakintayäna, qawqhtix munapkän ukkha. Sist'atäxapxän ukkhasti, Jesusax yatiqirinakaparuw säna: —Uka puchunak apthapipxam, jan inamayar tukusiñapataki —sasa.

Niya mä tupu jila sarapkipan Jesusar uma patanjam jutaskir uñjapxäna, boter jak'achasinipansti jupanakax wal axsarapxäna. Jesusasti jupanakarux sänwa: —¡Nayäsktwa, jan axsarapxamti! —sasa.