Popular Bible Verses from JUAN 1

Share

Ukampis jupar katuqasin iyawsirinakax Diosan wawanakapäxiwa.

Arux qalltan utjapunïnwa, khä Arusti Diosampïnwa, uka Arusti Diosarakïnwa.

Aka qhanasti ch'amakanak taypin qhanti, ch'amakanakasti janiw qhanarux jiwt'ayañatak ch'amanïkänti.

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Jupa tuqiw Diosax taqi kun luräna; jan jupampisti janiw kuna luratas utjkiti. Jakañax jupan utjäna, uka jakañasti jaqin qhanapänwa.

Qhipürusti Juanax Jesusaruw uñjäna, jupar jak'achasisinkiri, ukat säna: “¡Uñtapxam, jupaw akapachan juchap q'umachir Diosan Corderopaxa!

Uka Arux akapachankänwa; Diosasti jupa tuqi akapach lurkäna ukasa, akapachankirinakax juparux janiw uñt'känti. Jupasti jupankirinakan ukaruw jutäna, jupankirinakasti janiw katuqapkänti.

Taqi jaqinakar qhant'ki uka chiqpach qhanax akapacharuw purisinkäna.

kamachix Moisés tuqiw churasïna, ukampis munasiñampi, chiqa kankañampix Jesucristo tuqiw juti.