Popular Bible Verses from GÉNESIS 27

Share

Diosay jumarux alaxpach jallu apayanpan, suma achu churir uraqsa churpan. Walja trigompi, walja vinomp jumar churarakpan. Taqi jaqinakax jumar luqtirïpxpan; jach'a markanakas juma nayraqatan killt'aspan. ¡Pachpa wila masinakamas juma nayraqatan killt'asipxpan, jupanakan jilïripätam uñt'apxpan! ¡Jumar ñanqhachirinakax ñanqhachatäpan! ¡Jumar jach'añchirinakasti jach'añchatäpan!” sasa.

Ukxarusti Esaú yuqapax sarakïnwa: —¡Ukatpï sutipas “Jacob” satäpachaxa, jupax mä sallqjiriwa! ¡Akampix pä kutiw niy sallqjitu! Nayraqatax jilïr yuqall wawa kankañ apaqitu, jichhasti kuna aski waxt'äwitix nayatakïkän uk apaqarakitu. ¿Janit nayarusti aski waxt'äwim churkarakitasmasti? —sasa.

Ukat Isaac awkipax sarakïna: “Suma uraqinakat jayan jakäta, alaxpachat jutir jallut jayana. Espadamampiw sayt'asirakïta, jilaman uywatapäyätawa; ukampis ch'amani tukxäta ukkhawa, jupan munañanïñapat qhispirakïta” sasa.

Esaú yuqapasti saskakïnwa: —¡Nayarux aski waxt'äwim churakitaya! ¿Mä sapa waxt'äwikit utjtamsti? —sasa. Ukatsti jach'at warart'asisaw jachäna.