Popular Bible Verses from 1 CORINTIOS 1

Share

Diosax jaqinakan pisi amuyunit uñt'at jaqinakaruw jach'a amuyuninakar p'inqachañatak ajllisi, ukhamarakiw jaqinakan pisi ch'amanit uñt'atanakaru, jila ch'amaninakar p'inqachañatak ajllisi.

Criston cruzan jiwatapat yatiyäwixa, chhaqhañar sarir jaqinakatakix luqhi kankañäkaspas ukhamawa; ukampis jiwas qhispiyat jaqinakatakix aka yatiyäwix Diosan ch'amapawa.

Diosan luqhi kankañapjam amuyaschi ukaxa, jaqin yatiñ kankañapat sipansa juk'ampi yatiñ kankañawa; Diosan jan chamanïtapjamak amuyaschi ukasa, jaqin ch'amapat sipansa juk'ampi ch'amaniwa.

Diosax arsutanakap phuqhapuniwa, jupaw jumanakarux jawsapxtam, Jesucristo Tatitusa Yuqapampi mayachat jakañataki.

Jilatanaka, Jesucristo Tatitusan sutipxaruw achikt'apxsma, taqinis mä amtañanikïpxam, jumanak taypin yaqhachasiñanakax jan utjkpati. Mä wawak jakasipxam, mä sapa amtañani, mä sapa amuyuni.

¿Kawkinkarak yatiñani, yatichiri, akapach yänakat ch'axwir jaqisti? ¡Diosasti akapach yatiñ kankañ luqhi kankañaruw tukuyi!