Popular Bible Verses from SAN MARCOS 14

Share

Mañakuspataj Jesús nerqa: Abba Tatáy, tukuy ima qampajqa atikun, jark'away ari chay ñak'ariymanta; chaywampis ama noqaj munasqallayqa kachunchu; astawanqa, qampa munasqayki ruwasqa kachun.

Qhawakuychej ama puñuspa. Diosmanta mañakuychej ama juchaman urmanaykichejpaj. Cheqamanta espiritoqa wakichisqa kashan, aychatajrí pisi kallpayoj.

Cheqamanta niykichej; mayllapipis kay evangelio willakojtin, kay warmej ruwasqampis willakullanqataj paymanta yuyarikunankupaj.

Paykunamantaj nerqa: Almayqa ancha llakisqa kashan wañuykama. Kaypi suyawaychej ama puñuspa.

Paykuna mikhushajtinku, Jesús t'antata oqharispa, diosman graciasta qorqa, partiytawantaj yachachisqasninman jaywarqa: Jap'iychej, kaymin cuerpoyqa, nispa.

Copata oqharispataj, Diosman graciasta qorqa, paykunamantaj jaywarqa; tukuyninkutaj copamanta ujyarqanku. Jesustaj paykunaman nerqa: Kaymin yawarneyqa [mosoj] tratomanta; chay yawartaj ashkha runarayku jich'asqa kanqa.

Chaymantataj, Jesús paykunaman nerqa: Kunan tukuyniykichej qhesachawankichej. Escribisqa kashan: Michejta wajtasaj, ovejastaj ch'eqerakonqanku.

Jatariychej, jaku. Jap'ichiwajqa qayllapiña.

Pedromantaj Jesús nerqa: Cheqamanta niyki, kunan tutapacha, manaraj gallo iskay kutita waqashajtin, qanqa kinsa kutita mana rejsej tukuwanki.