Popular Bible Verses from GÉNESIS 15

Share

Abramqa creerqa Señorpi, chayrayku cheqan runapaj qhawasqa karqa.

Chay qhepata Dios parlarqa Abramman mosqoypi jina, nispa: Ama manchachikuychu Abram, noqa qampa jark'ajniyki kani, qampa t'inkaykeqa may chhikapuni kanqa.

Chaymanta Señorqa Abramta jawaman pusarqa, chaypitaj nerqa: Qhawariy allinta cielota, ichapis atiwaj yupayta qoyllurkunata. Ajina kanqa qampa mirayniyki, mana yupay atina.

Señortaj kuticherqa: Tukuy imayki kajtaqa kikin wawaykipuni jap'enqa, mana waj runachu.

Señortaj payman nerqa: Yachay kayta, mirayniykeqa tiyakonqa runaj llajtampi, chaypitaj runaj kamachisnin, may k'irinchasqastaj kanqanku tawa pachaj watasta.

Abramtaj kuticherqa: Señor Dios, imatataj qowankiri? Qan yachashanki waway mana kasqanta, Damascomanta Eliezer kamachiy tukuy imasniytapis jap'ikapunan kasqanta.

Chay kikimpacha Señorqa uj tratota Abramwan ruwarqa, nispa: Mirayniykiman qosaj kay jallp'ata. Chaytaj kanqa Egipto mayumanta, Eufrates jatun mayukama.

Tawa mita qhepata mirayniykeqa kay jallp'aman kutimullanqataj; imaraykuchus amorreospa sajra ruwaynenqa manaraj kaykamaqa chhikapunichu.