Popular Bible Verses from Zvakaratidzwa 9

Share

Vamwe vanhu vose vakasara vaya, vasina kuuraiwa namatenda iwayo havana kuregera rubatabata rwavo rwuya rwokunamata mweya yakaipa nokunamata zvifananidzo zvendarama nezvesirivha nezvendarira nezvamatombo nezvemiti zvisingakwanisi kuona kana kunzwa kana kufamba. Havana kuregera humhondi hwavo nouroyi hwavo noupombwe hwavo kana umbavha hwavo.

Muhutsi ihwohwo makabuda mhashu panyika dzakapiwa simba rinenge ramarize apanyika. Dzakaudzwa kuti dzisaparadze uswa hwenyika kana chii zvacho chinyoro kana muti zvawo, asi kuti dziparadze vanhu vasina mucherechedzo waMwari pahuma dzavo.

Mutumwa wechishanu akaridza bhosvo rake. Ndakabva ndaona nyenyedzi yakawira pasi kubva kudenga yakanga yapiwa kiyi yeziburi regomba risina parinoperera.

Dzakabvumirwa kuvaonesa nhamo kwemwedzi mishanu dzisingavaurayi. Kurwadza kwadzo kwaiita sokurwadza kwerize kana raruma munhu.

Mambo wadzo aiva mutumwa uya wegomba risina parinoperera. Zita rake muchiHebheru rinonzi Abhadhoni muchiGiriki richinzi Aporioni.