Popular Bible Verses from Mateo 21

Share

Kag kung nagatuo kamo, aber ano ang indo pangayuon sa pangamuyò, mababaton gid nindo.”

Nagsabat si Hesus sa inda, “Sa matuod lang ginahambay ko sa indo, kung may pagtuo kamo kag wayà nagapangduha-duha, mahuhuman da nindo ang ginghuman ko sa kahoy. Kag bukon lang inà kundì makahambay kamo aber pa sa ini nga bukid, ‘Maghalin ka diri kag maglukso sa dagat,’ kag inà hay matatabò.

Ang mga tawo nga nagauna kay Hesus kag ang nagasunod hay nagasinggit, “Hosana! Dayawon ang inapo ni David! Ginapakamaayo ng Ginoo ang iya gingsugò! Hosana! Dayawon ang Dios nga pinakamataas gid sa tanan!”

Hambay niya, “Ginahambay ng Kasulatan, ‘Tawagon ang akon bayay nga bayay nga pangamuyuan.’ Pero kamo! Ginahuman nindo nga panaguan ng mga tulisan!”

“Hambayon nindo ang mga taga-Zion, pakarion na ang indo harì. Mapinaubuson siya kag nagasakay sa asno, sa batà nga asno.”

Naghambay pa si Hesus sa inda, “Wayà ba nindo nabasahi ang ginahambay ng Kasulatan? ‘Ang bato nga gingpilak ng mga panday, imaw gid ang naging pinakaimportante nga bato sa pundasyon; ini hay ginghuman ng Ginoo kag makatitingaya ini sa aton!’ ”

Naghambay pa gid si Hesus, “Nganì ginahambay ko sa indo, indì na kamo pagaharian ng Dios kundì ang mga tawo nga nagatuman sa iya mga ginapahuman.