Popular Bible Verses from Māa̍ti̍u̍ 4

Share

Mi̍ Chi̍i̍sū lo᷅ lo̍ŋ mbo̍ mūlūl ndu̍ āā, “Ī chō ī pōōnyīāā o̍ Yāu̍ Mɛ̄lɛ̄ka̍a̍ ni᷄ŋ āā, ‘Ō cho̍ nyɛ̍ dīa̍a̍ ko̍ni̍ le̍ to̍sā mī wāna̍ chi̍o̍o̍ wa̍ yōōmū le̍. Le̍ mī wāna̍ chi̍o̍o̍ sɔ̄la̍ yōōmū kpe̍e̍kpe̍i̍yo̍, mɛ̄ɛ̍ mbō chu̍a̍ nyɛ̄ dīo̍m Mɛ̄lɛ̄ka̍a̍ dīmūl ndu̍ wo̍.’ ”

Mi̍ Chi̍i̍sū di̍mūl ndu̍ āā, “Hi̍o̍u̍ mā kūɛ̄, Sēta̍nā. Ī chō ī pōōnyīāā o̍ Yāu̍ Mɛ̄lɛ̄ka̍a̍ ni᷄ŋ āā, ‘Māsānɔ̄ɔ̍ Mɛ̄lɛ̄ka̍, ndu̍ wānā so̍o̍lūū ni̍. Ndu̍yɛ̍ ndu̍ pīlɛ̍ kpe̍ wānā sa̍a̍ŋgīāl ni̍.’ ”

Mi̍ Chi̍i̍sū lo᷅ o̍ ko̍ŋ mbo̍ mūlūl ndu̍ āā, “Ī chō vɛ̄lɛ̄ ī pōōnyīāā o̍ Yāu̍ Mɛ̄lɛ̄ka̍a̍ ni᷄ŋ āā, ‘Wānā tɔ̍ɔ̍ndāŋ Ma̍sānɔ̄ɔ̍ Mɛ̄lɛ̄ka̍ ŋ̄ chō pīɛ̄īyo̍ wo̍ le̍.’ ”

O̍ ko̍ŋ kɔ̍ɔ̍lī, mi̍ Nyi̍na̍ Mɛ̄lɛ̄ka̍a̍ tōsā mi̍ Chi̍i̍sū ku̍ā o̍ po̍llo̍ ni᷄ŋ le̍ mī Māsa̍ Nyi̍nāā Wɔ̄ɔ̍ŋnda̍ dɛ̄ɛ̄ni̍a̍a̍ ndu̍ le̍ mbō tōsa̍ yɔ̄ŋ wɔ̄ɔ̍ŋndo̍. Ndu̍yɛ̍ mi̍ Chi̍i̍sū bi̍ī su᷅mndo̍ le̍ pālɛ̍i̍ be̍le̍-hi̍ɔ̍ɔ̍lu̍ a̍ nyūmnda̍ŋ be̍le̍-hi̍ɔ̍ɔ̍lu̍. O̍ ko̍ŋ kɔ̍ɔ̍lī, yīa̍a̍ŋ mā wa̍ ni᷅ŋ ndu̍ nɛ̄īyo̍.

Mi̍ Chi̍i̍sū di̍mūl nda̍ āā, “Lā hu᷄ŋ mī lā sīmnu᷄ŋ bu̍ɛ̍i̍yāā nī, mī pɛ̍ɛ̍ku̍ nya̍ yɔ̄ɔ̄yā chēle̍ŋ. Ndu̍ cho̍ ni̍, mī lā tōsa̍ mī wāŋnda̍ sīmnu᷄ŋ bu̍ɛ̍i̍yāā nī.” Ma̍ māl yālāla̍ nda̍la̍ŋ o̍ lē pīlɛ̍ ni᷄ŋ kpe̍ ma̍ tūāl ndu̍ kɔ̄ɔ̄lī.

Chɔ̍ŋ ni᷅ŋ a̍ bōōndi̍i̍ ke̍ŋ, mi̍ Chi̍i̍su̍ ka̍ndū sūɛ̍i̍ Mɛ̄lɛ̄kɛ̍i̍ dīmīo̍o̍ āā, “Lā ma᷄l yɔ᷅ŋndā nyāla̍ wɔ̍ɔ̍ŋnda̍ŋ. Kāni̍ fu̍u̍le̍, te̍le̍ŋ Mɛ̄lɛ̄ka̍ chō wā ma̍sāa̍ wāŋnda̍ chōo̍ wo̍ chō ni᷅ŋ kpɛ̍ɛ̍lūŋ.”