Popular Bible Verses from Māa̍ti̍u̍ 27

Share

A̍ bōōndi̍i̍ pɛ̄ŋgī lāwa̍li̍ ki̍nɛ̍i̍ mi̍ Chi̍i̍sū de̍ŋī chōo̍ cho̍o̍ kpe̍le̍ŋ. Mbo̍ dīmī āā, “I̍lā, I̍lā, lāma̍ sāba̍tāni̍?” Ko̍ŋ cho̍ ni̍ āā, Mɛ̄lɛ̄ka̍ nūu̍, Mɛ̄lɛ̄ka̍ nūu̍, vɛ᷅ ya̍ mālɔ̄ɔ̍?

Mɛ̄ɛ̍ Chi̍i̍sū ma̍lnu̍ŋ kɔ̍l, mi̍ kōlā bɛ̍ndu̍ wa̍ ō lāndāā o̍ chīɛ̍i̍ Mɛ̄lɛ̄ka̍a̍ ni᷄ŋ ndo̍ cha᷄ŋ a̍ tɛ̄ndāa̍ mālūāŋ mbo̍ fūūlūū lɛ̄ŋ di̍. O̍ ko̍ŋ kɔ̍ɔ̍lī, mi̍ lɛ̄ŋnde̍ŋ lē nyīīyā. Mi̍ pōūta̍ŋ lā tɛ̄ɛ̄ndīāā. Mi̍ sɛ̄īla̍ŋ lā tɛ̄ɛ̄ndīāā. Mi̍ lā kūūmbu᷄ŋ. Mi̍ wānāa̍ cho̍ le̍ Mɛ̄lɛ̄ka̍ wa̍ a̍ vi᷅ ni᷅ŋ pāāndū wa̍ ma̍ mīīŋgū yōōmū ta̍u̍.

Mi̍ Chi̍i̍sū de̍ŋī vɛ̄lɛ̄ chōo̍ cho̍o̍ kpe̍le̍ŋ. O̍ ko̍ŋ kɔ̍ɔ̍lī, mbo̍ mālnu᷄ŋ kɔ̍l.

Mi̍ wānā bɛ̍ndū so̍vɛ̄i̍ya̍ a̍ so̍vɛ̄i̍ya̍a̍ wa̍ Chi̍i̍sū lēhɔ̄l la̍ chā a̍ mɛ̄ɛ̍ lɛ̄ŋnde̍ŋ lē nyīīya̍ yɛ̄, a̍ nyɛ̄ o̍ nyɛ̍ yɔ̍nu̍ŋ. Mi̍ sīōōŋnde̍ bīī nda̍ ta̍u̍. Ma̍ dīmī āā, “Po̍ Mɛ̄lɛ̄ka̍a̍ lēkɛ̍ndɛ̍ī o̍ wa̍ ni̍.”

A̍ bōōndi̍i̍ pāa̍le̍ŋ lē sīm o̍ bōlle̍ŋ chōo̍ ve̍ ki̍nɛ̍i̍, mi̍ lē nyūm pɔ̍lī. Mi̍ nyūmnda̍ŋ mā tūāl kpi᷅ŋgbi̍ o̍ lɛ̄ŋndē lēŋ ni᷄ŋ kpo̍u̍. Mi̍ mā lō mā tūālāā ha̍a̍a̍ mbo̍ kūā ha̍vɛ̄i̍la̍ŋ lā yāa̍.

Mbo̍ nyūnā nda̍ āā, “Ō yɛ̄ɛ̄nɛ̍ ya̍ I̍ to̍sa̍ yɛ̍ a̍ Chi̍i̍sū ō nda̍ vēēlū āā, Ki̍li̍tī wo̍?” Ma̍ mūlī āā, “Ba̍ŋ ndu̍ o̍ yɔ̄m sīŋgāfīlāa̍ chōo̍ mā dīī ndu̍.” Mi̍ Pa̍i̍lē lo᷅ lo̍ŋ mbo̍ nyūnā nda̍ āā, “Vɛ᷅? Ō yɛ̄ɛ̍nɛ̍ o̍ yɔ̍ŋ yɛ̄?” Kɛ̍, ma̍ chɔ̄ɔ̄lū dēŋī chōo̍ cho̍o̍ āā, “Ba̍ŋ ndu̍ o̍ yɔ̄m sīŋgāfīlāa̍ chōo̍ mā dīī ndu̍.”