Popular Bible Verses from Māa̍ti̍u̍ 25

Share

O̍ ko̍ŋ, mī Māsā bɛ̍ndōo̍ lo̍ o̍ ko̍ŋ mbō mūli̍ māā, mī di̍mu̍l nya̍, pɔ̄mbūāā nīa̍a̍ cho̍ ha̍ā wāŋnda̍ o̍ hɔ̄l māā wānāā fo̍ndō fu̍u̍ wa̍, nyɛ̄ o̍ nyɛ̄ lā tōsa̍l nda̍ pɛ̍, mɛ̄ɛ̍ ya̍ nya̍ tōsa̍l ni̍.

Mi̍ ma̍sānɔ̄ ndɔ̄ɔ̍ yīl ndu̍ āā, ‘Ni̍wa̍li̍. Ā chō bɔ̄ɔ̍ bu̍ɛ̍ī kɛ̄ndɛ̄, ndu̍yɛ̍, ā chō sa̍na̍a̍. Mɛ̄ɛ̍ ŋ̄ chō nu̍a̍ā sa̍na̍a̍ o̍ nyɛ̄m pɔ̄mbɔ᷄ŋ chōo̍ yɛ̍, I̍ cho̍ nu̍m hāndɔ̄ɔ̄ nyɛ̄m bānā ba̍na᷄ŋ bōlle̍ŋ. Sɔ̍ɔ̍ŋgu̍u̍ ni̍ko̍ ŋ̄ tōsa᷅ŋ kɔ̄l kɛ̄ndɔ̄ɔ̍ lātūlu̍.’

Kāni̍, wānā o̍ wāna̍ nɔ̍ o̍ bā Mɛ̄lɛ̄ka̍ chō ndu̍ chɔ̄ɔ̄lū kē mbō sɔ̄la̍ ta̍u̍ ta̍u̍. Kɛ̍, wāna̍ nɔ̍ o̍ bā le̍ wo̍, ō pɔ̄mbɔ̄ o̍ nɔ̍ o̍ bā wo̍ bɛ̍ɛ̍, Mɛ̄lɛ̄ka̍ chō ndu̍ pōōndā o̍ bā.

Mi̍ Chi̍i̍sū mɛ̍ɛ̍lū sīlāa̍ yɔ̄ŋgū āā, “Le̍la̍ŋ, lā wa᷅ ā pūɛ̄ya᷄ŋ te̍. Fo̍ndōle̍, lā si̍nā pa̍a̍le̍ŋ ɔ̄ɔ̄ ha̍vɛ̄i̍ Po̍ Wānā Pɔ̍nɔ̍ɔ̍ chō hūnɔ̄ɔ̄ wo̍ le̍.”

Kāni̍ fo̍ndōle̍, I̍ wa̍ a̍ yīa̍a̍ŋ, mi̍ lā kē ya̍ nyɛ̄ dīa̍a̍. I̍ wa̍ a̍ bo̍lōlā vēsɛ̍i̍la̍ŋ, mi̍ lā kē ya̍ mɛ̄ŋnda̍ŋ. I̍ wa̍ mīāllo̍ nya̍ tɛ̄ɛ̄ŋ, mi̍ lā yīyā ya̍.

Mi̍ ma̍sānɔ̄ ndɔ̄ɔ̍ yīl ndu̍ āā, ‘Ni̍wa̍li̍. Ā chō bɔ̄ɔ̍ bu̍ɛ̍ī kɛ̄ndɛ̄, ndu̍yɛ̍, ā chō sa̍na̍a̍. Mɛ̄ɛ̍ ŋ̄ chō nu̍a̍ā sa̍na̍a̍ o̍ nyɛ̄m pɔ̄mbɔ᷄ŋ chōo̍ yɛ̍, I̍ cho̍ nu̍m hāndɔ̄ɔ̄ nyɛ̄m bānā ba̍na᷄ŋ bōlle̍ŋ. Hu̍ŋ ni̍ko̍ ŋ̄ tōsa᷅ŋ kɔ̄l kɛ̄ndɔ̄ɔ̍ lātūlu̍.’

I̍ wa̍ a̍ fɛ̍li̍o̍o̍, mī lā kē ya̍ nyɛ̄ chūɛ̄ɛ̄na᷄ŋndo̍. I̍ wa̍ a̍ nāa̍, mi̍ lā māndā ya̍. I̍ wa̍ o̍ chīɛ̄ī mānyūmndo̍ ni᷄ŋ, mi̍ lā mālā ya̍.