Popular Bible Verses from Lu̍kū 17

Share

O̍ ko̍ŋ kɔ̍ɔ̍lī, mbo̍ dīmūl pōo̍ āā, “Chɔ̍ŋ mā kūɛ̄nu᷄ŋ. Tīīnda᷄ŋ ŋ̄ nɔ̄ wo̍ tōsa̍ ma̍ sɔ̄lā sīōŋgɔ̄ɔ̍.”

Ā yɔ᷄ŋ bɛ̍ɛ̍ mbō tōsa̍l nu̍m sūɛ̍i̍ wɔ̍ɔ̍ŋnde̍ o̍ pāa̍le̍ŋ ni᷄ŋ le̍ ŋɔ̍mmɛ̍ū, kɛ̍ ndu̍yɛ̍, lē ŋɔ᷄mmɛ̍ū kōŋ kpe̍de̍, tē ō nyūna̍ nu̍m le̍ ndu̍ mālɔ̄ɔ̄ pɛ̍, ā nɔ̄ mā ma̍l ndu̍.”

Ndu̍yɛ̍, o̍ lɛ̄ŋndē Sāme̍e̍līāāle̍ŋ ni᷄ŋ ō pīlɔ̍ɔ̍ ndu̍ o̍o̍ fu̍la̍ ni̍. Ndu̍yɛ̍, mɛ̄ɛ̍ o̍ fu̍la̍ ko̍ŋ o̍ lɛ̄ŋndē Sāme̍e̍līāāle̍ŋ ni᷄ŋ ndo̍ sāālu̍ŋ māā ō sēŋgū a̍ nāā ndɔ̄ɔ̍, mbo̍ mīīŋgū pi̍la̍ nāa̍ Chi̍i̍sū chu̍a̍. Mbo̍ kūā a̍ Mɛ̄lɛ̄ka̍ ba̍li̍ka̍a̍ mēllo̍ chōo̍ cho̍o̍. Mbo̍ kɔ̍ de᷅l Chi̍i̍su̍ o̍ lābɛ̄ŋgu̍ ni̍ŋ mbo̍ mēl ndu̍ ba̍li̍ka̍.

Le̍la̍ŋ, lā pu̍ɛ̍ɛ̍nu᷄ŋ a̍ nya̍ pi̍la̍ le̍. “Tē pɔ̄mbɔ̄ nūm kɛ̄lɛ̄ŋgāā bɛ̄ nūm o̍ to̍sa̍l nu̍m sūɛ̍i̍ wɔ̍ɔ̍ŋnde̍ pɛ̍, di̍mu̍l ndu̍ māā nyɛ̄ o̍ to̍sa̍ a̍ nūm ndo̍ ō ni᷄ŋ te̍. Tē ō dīmu̍l nu̍m le̍ mā ma̍l ndu̍ le̍ nyɛ̄ o̍ to̍sa̍ wo̍ pɛ̍, a̍ ma̍l ndu̍.

Mi̍ Chi̍i̍sū lo᷅ o̍ ko̍ŋ mbo̍ nyūnā āā, “Ŋ̄wāŋ tɔ̍ le̍ ya̍ I̍ si̍ŋgi̍ le̍? Kɛ̍, ɔ̍ɔ̄ ā ŋɔ̄ma̍hīɔ̍ɔ̍lu̍a̍a̍?

Mi̍ Chi̍i̍sū mu̍lūl nda̍ āā, “Tē lā nɔ̄ tīīnda᷄ŋndo̍ pɛ̍, ā yɔ᷄ŋ bɛ̍ɛ̍ mbō wa̍ mɛ̄sɛ̄lāa̍ mɛ̄ɛ̍ ku̍lu̍ mɛ̍sɛ̍lɛ̍i̍ yɔ̄m nda̍ vēēlū ho̍ō āā, Mɔ̍si̍tāā wo̍ chō nu̍a̍ā yɛ̍ pɛ̍, lā dīmūl yɔ̍m si̍m ho̍ō wo̍ āā, ‘Su̍ŋgu̍ŋ mā kɔ̍ tɔ̍lnu᷄ŋ o̍ pēē mɛ̄ŋmā īhɛ᷄llo̍ ni᷄ŋ.’ Ndu̍yɛ̍, tōsāa̍ o̍ to̍sā mɛ̄ɛ̍ nya̍ dīmu̍l ndu̍ yɛ̍ ni̍.”

Wānā o̍ wāna̍ ki̍ndi̍ le̍ yōōmū ndɔ̄ɔ̍ chīīndīa̍a̍ pɛ̍, yōōmū kālāa̍ chō ndu̍ hīɔ̄lɔ᷄ŋ. Ndu̍yɛ̍ wānā o̍ wāna̍ yōōmū ndɔ̄ɔ̍ hɛ̄lu᷄ŋ yɛ̍ pɛ̍, yōōmū ndɔ̄ɔ̍ chō chīndā.

Mi̍ Chi̍i̍sū di̍mūl bu̍ɛ̍i̍yāā ndūa̍a̍ āā, “Nyɛ᷄m to̍sā mī wāŋndo̍ tōsa̍ yɔ̄ŋ wɔ̄ɔ̍ŋndo̍ wo̍ŋ ŋ̄ nɔ̄ le̍ yɔ̄nɔ᷄ŋndo̍. Kɛ̍ ndu̍yɛ̍, nyɛ̄ nɛ̄īyāā bɛ̄ndōo̍ chō le̍ wāna̍ to̍sā mī nyɛ̄m mu᷅ŋ ŋ̄ yɔ̄nu̍ŋ ndo̍. Ō bɛ̄ndā bɛ̍ɛ̍ mā bāa̍ wānā ko̍ŋ pōū bɛ̄ndōo̍ o̍ lābo̍lō mā ma᷄l ndu̍ o̍ mɛ̄ŋmā yīŋgi̍lɛ̍i̍ya̍ŋ ni᷄ŋ mbo̍ hīāū a̍ wānā ko̍ŋ mbō tōsa̍ mī ā pɔ̄mbūa̍a̍ ha̍ā mā tōsa̍ yɔ̄ŋ wɔ̄ɔ̍ŋndo̍.

Ndu̍yɛ̍ mɛ̄ɛ̍ wāŋnda̍ ā wa̍ sɔ̄ɔ̍ŋ tōsāa̍ o̍ bōōndi̍i̍ Nu̍u̍wā wa̍ o̍ chi̍e̍ēŋndo̍ chōo̍ ve̍ yɛ̍, le̍nde̍ ko̍ni̍ wāŋnda̍ lō ni̍ŋ to̍sāa̍ ni̍ mbō lo̍ o̍ ko̍ŋ mī bōōndi̍i̍ Po̍ Wānā Pɔ̍nɔ̍ɔ̍ ō hūŋ ni̍ŋ nde̍ ī fūūlu̍u̍. A̍ bōōndi̍i̍ Nu̍u̍wā ve̍, wāŋnda̍ wa̍ di̍o̍la̍ ndā mā kōlī mu̍ɛ̍īmā ndā. Pūa̍a̍ wa̍ lāāndūa̍a̍ pūwɔ̄ɔ̍, ndu̍yɛ̍ mī wāŋ lāāndūa̍a̍ chūā pi̍a̍a̍ndūa̍a̍. Ā lo̍ mu᷅ŋ tōsāa̍ ha̍a̍a̍, mbo̍ fūūlūū a̍ bōōndi̍i̍ Nu̍u̍wā lu̍ɛ̍ī o̍ dɛ̄ndɛ̄ bɛ̍ndōo̍ ni᷄ŋ nde̍. Mi̍ pīɔ̍ɔ̍ tūāl. Mi̍ mɛ̄ŋnda̍ŋ mā hūŋ mi̍ mā dīū nda̍ kpo̍u̍.