Popular Bible Verses from Lu̍kū 12

Share

Le̍nde̍ nya̍ wa̍ a̍ bɛ̍ɛ̍ndīa̍ŋ ni̍. Kāni̍ fo̍ndōle̍, bōōndi̍i̍ nya̍ ve᷅ ni̍ŋ wa᷅na̍ nda̍ vēēlū āā, Po̍ Wānā Pɔ̍nɔ̍ɔ̍ wo̍ kɔ̄l te̍ ve̍, bōōndi̍i̍ ke̍ŋ o̍ hu᷅ŋ ni̍ŋ ni̍.”

Lā lāndu̍ŋ kɔ̍l le̍ nyɛ᷄m cho̍ o̍ māsāle̍ Mɛ̄lɛ̄ka̍le̍ŋ ni᷄ŋ ndo̍ŋ. O̍ ko̍ŋ kɔ̍ɔ̍lī, nyɔ̄ɔ̍ŋ ŋ̄ tɔ̄ɔ̍ŋ bɛ̍ɛ̍, Mɛ̄lɛ̄ka̍ nɔ̄lā mbō ke̍ nya̍.”

Mi̍ Chi̍i̍sū di̍mūl wāŋnda̍ āā, “Lā mānda̍ŋ, yɔ̍ŋi̍ yēēmɛ̍i̍ le̍ nyɛ̄m fāŋgā fa̍ŋga᷄ŋ ī hīo̍u̍ nya̍ o̍ kɔ̄l kɔ̄ɔ̄lī. Kāni̍ fo̍ndōle̍, ō cho̍ nyɛ᷅m fa̍ŋga᷄ŋ te̍ ŋ̍ to̍sā mī wāna̍ chi̍o̍o̍ wa̍ yōōmū le̍, ā yɔ᷄ŋ bɛ̍ɛ̍ mī wāŋndo̍ nɔ̄ mu̍ŋ ta̍u̍ bɛ̍ndū.”

Nāa̍ wāŋndo̍ kɛ̄sī nyɛ᷅m ndɔ᷄ŋ ba̍ā kāla᷄ŋ nda̍, lo̍ŋ ko̍ni̍ kɔ̄l ndɔ̄ɔ̍ wā ni̍.”

Ndu̍yɛ̍, ā yɔ᷄ŋ bɛ̍ɛ̍ mī lā būūla̍ŋ le̍ mu᷅ŋ kpo̍u̍, lā nɔ̄lā pa̍ mī lā chɔ̄ɔ̄lu̍ yōōmūlā nyāla̍ŋ bɛ̄ndī le̍ pāa̍le̍ŋ lē pīlɛ̍ bɛ̍ɛ̍? Lā nɔ̍lā le̍.

Mi̍ Chi̍i̍sū di̍mūl bu̍ɛ̍i̍yāā ndūa̍a̍ āā, “Le̍la̍ŋ, mī di̍mu̍l nya̍, lā bu̍u̍la᷄ŋ le̍ nyɛ̄ nya̍ dīā mī lā wa̍ yōōmū wo̍ le̍. Ndu̍yɛ̍, lā bu̍u̍la᷄ŋ le̍ nyɛ̄ nya̍ wōūnūŋ ndo̍ le̍.

Nya̍ nya̍, yīīŋīī yi̍īŋnde̍ nya̍ o̍ lēbōl bɛ̍ɛ̍, Mɛ̄lɛ̄ka̍ sīnā mɛ̄ɛ̍ i̍ cho̍ bōllē pīlɛ̍ yɛ̍. Lā yɔ᷅ŋ īsīōōŋ te̍. Kāni̍, wāŋndo̍ ō pīlɛ̍ bɛ̍ɛ̍ nya̍ tɛ̄ɛ̄ŋ ō hīōū a̍ ni᷄ŋnda̍, mɛ̄ɛ̍ o̍ mɛ̄ɛ̍ nda̍ wa̍ fa̍ŋgā.”

Mi̍ Chi̍i̍sū di̍mī āā, “Lā yɔ᷅ŋ īsīōōŋ te̍, nya̍ ku̍ndā nī pɔ̍mbɔ̄ɔ̍ ho̍ō. Kāni̍ fo̍ndōle̍, Mɛ̄lɛ̄ka̍ fi̍nyā nyā ō hīni̍ kɔ̄l le̍ mbō ke̍ nya̍ nyɛ̄m fāŋgā fa̍ŋgā, bōōndi̍i̍ o̍ cho̍ wā māsāa̍ wānāā ndūa̍a̍ chōo̍ ve̍.

Lā yīya̍ŋ ndɔ̍ a̍ yōūwa̍ o̍kɔ̄ɔ̄. Yōūwa̍ to̍sā i̍chi̍ɛ̍ɛ̍ le̍, kɛ̄lɛ̄ŋgāā mā nɔ̄ īchīɛ̄ɛ̄ le̍ kōūwɔ̄ɔ̄. Ā nɔ̍ ko̍nda̍la̍ du̍a̍u̍wāā tɔ̄lɔ̄ɔ̄ le̍. Kɛ̍, o̍ ko̍ŋ ni̍ŋ kpo̍u̍, mī Mɛ̄lɛ̄ka̍ ke̍ nda̍ nyɛ̄ nda̍ dīā wo̍. Nya̍ hi̍o̍ū a̍ yōūwa̍ po̍lo̍ŋ.

“Le̍la̍ŋ, lā wa᷅ a̍ kɔ̄l lānda᷄ŋ kɛ̄lɛ̄ŋgāā mī lā būūla̍ŋ le̍ nyɛ̄ nya̍ dīā wo̍ a̍ nyɛ̄ nya̍ kōl lo̍ le̍.

Lā tōfa̍ mɛ̄ɛ̍ Mɛ̄lɛ̄ka̍ nɛ̄ŋi̍ bīl fo̍ndōo̍ ho̍ō yɛ̍. Mī bīllo̍ ho̍ō wa̍ yōōmū māā hāū. Kɛ̍, dīi̍māndɔ̄ɔ̍ ā lōm ndu̍ o̍ yīŋ. O̍ ko̍ŋ ni̍ŋ kpo̍u̍, mī Mɛ̄lɛ̄ka̍ nɛ̄ŋi̍ ndu̍ nu̍a̍ā kpɛ̍. Nāa̍ o̍ to̍sa̍ wɔ̄ le̍nde̍, ō nɔ̄lā kpe̍e̍kpe̍i̍ mbō ke̍ nya̍ nyɛ̄ chūɛ̄ɛ̄na᷄ŋndo̍. Lā nɔ̍ la̍a̍la᷄ŋ bɔ̍ɔ̍ le̍ ma᷅.

Ndu̍yɛ̍, nyɛ̄ o̍ nyɛ̍ cho̍ ō kūmbāā ō pīlɛ̍ bɛ̍ɛ̍ cho̍ lo᷅ mbō kɛ̄ɛ̍ fūlā kpe̍nde̍ke̍le̍ le̍. Ndu̍yɛ̍, nyɛ̄ o̍ nyɛ̍ cho̍ ō vīāŋāā ō pīlɛ̍ bɛ̍ɛ̍ cho̍ lo᷅ mī wāŋnda̍ kɛ̄ɛ̍ sīnā a̍ ndu̍ o̍kɔ̄ɔ̄ le̍.