Popular Bible Verses from Chɛ̄nɛ̍se̍ē 41

Share

Mi̍ Chōo̍sɛ̍ dīmūl māsā bɛ̍ndōo̍ āā, “Ya̍ pi̍la̍ I̍ nɔ̍lā le̍. Kɛ̍ ndu̍yɛ̍, Mɛ̄lɛ̄ka̍ chō nu̍m ma̍ŋ tɛ̄ɛ̄sīāl, māsānɔ̄ɔ̍.”

Mi̍ māsā bɛ̍ndōo̍ dīmūl nda̍ āā, “Ŋ̄ nɔ̍lā wa̍nā sa̍a̍lɔ᷄ŋ mbō bɛ̄nda̍ le̍ fo̍ndāŋ kōŋ mbō hīōū Chōo̍sɛ̍ le̍. Kāni̍ fu̍u̍le̍, Mɛ̄lɛ̄ka̍ Nyi̍nā ndɔ̄ɔ̍ cho̍ ndu̍ kɔ̄ɔ̄lī ni̍.”

Mi̍ māsāa̍ lō o̍ ko̍ŋ mbo̍ dīmūl Chōo̍sɛ̍ āā, “Nūm, mi̍ Mɛ̄lɛ̄ka̍ chɔ̄m nu̍m sɔ̄ɔ̍ŋ mu᷅ŋ ki̍nɛ̍i̍ nu̍a̍ā, wānā o̍ wānā bɛ̍ɛ̍ cho̍ mbō nɔ̄ kɔ̄l kālo̍o̍, ndu̍yɛ̍ mbō nɔ̄ tāāsi̍o̍o̍ māā nūm te̍. Le̍la̍ŋ nu᷄m cho̍ wā chīɛ̄ī ni̍ lēmāsāa̍ chīla̍ŋ ni̍. Wānāā nīa̍a̍ ki̍nɛ̍i̍, nyɛ̄ o̍ nyɛ̄ ŋ̄ dīmu̍l nda̍, ndu̍ nda̍ nɔ̄ mā tōsa̍ ni̍. Mɛ̄ɛ̍ o̍ nɛ̄i̍ lēmāsāa̍ chōo̍ mi̍ hi̍a̍ū nu̍m, kɛ̍ nyɛ̄ o̍ nyɛ̄ ni᷅ŋ nu᷄m cho̍ chīla̍ŋ ni̍.”

Mɛ̄ɛ̍ o̍ ve̍lū po̍ ndɔ̄ di̍i̍ŋ ndɔ̄ɔ̍, mbo̍ dīmī āā, “Mɛ̄lɛ̄ka̍ tōsa̍ mi̍ ku̍i̍ī o̍ lɛ̄ŋndē ya̍ bi̍ī mɔ̍nɛ̍i̍ le̍ŋ ni᷄ŋ.” Mbo̍ kē ndu̍ dīōla̍ŋ āā E̍fi̍lūēm.

Mi̍ Chōo̍sɛ̍ dīmī āā, “Mɛ̄lɛ̄ka̍ tōsa̍ mi̍ pu̍ɛ̍ɛ̍nu᷄ŋ a̍ dɛ̍nɛ̍ pa̍lāā o̍ dɛ̍nɛ̍ pa̍lāa̍ ke̍e̍ku̍ ya̍ chōo̍, a̍ yu̍ŋgu̍ fi̍nyā nūu̍ kpo̍u̍.” Mbo̍ kē po̍ ndɔ̄ ta̍se̍ ko̍ŋ dīōla̍ŋ āā Mānāa̍sē.