1
Chɛ̄nɛ̍se̍ē 35:11-12
Yāu̍ Mɛ̄lɛ̄ka̍a̍
Mi̍ Mɛ̄lɛ̄ka̍ dīmūl ndu̍ āā, “Ya̍ cho̍ Mɛ̄lɛ̄ka̍ kpu̍lu̍ŋgūma̍ bɛ̄ndōo̍ ni̍.” Mbo̍ dūāū Che̍kɔ̍pū sa̍lā āā, “Vi̍o̍lu̍ ŋ̍chu̍a̍u̍ mā kūīī ta̍u̍ ta̍u̍. Chūāūwāā nūm a̍ ma̍māa̍ chō kūīī mā sīmnu᷄ŋ ka̍a̍la̍ŋ. Māsāā bɛ̍ndūa̍a̍ ā vīālūŋ ni̍ŋ o̍ pūlālē nūmnde̍ŋ chōo̍. Lɛ̄ŋndē ya̍ I̍ ke̍ E̍bīlāha᷅m fi̍nyā nūm ma̍mā, a̍ Āa̍se̍ fi̍nyā nūm nde̍ŋ, I̍ cho̍ nu̍m le̍ŋ kē nya̍ wānāa̍ fu̍lā ni̍ŋ o̍ pūlālē nūmnde̍ŋ chōo̍ wa̍.”
Compare
Explore Chɛ̄nɛ̍se̍ē 35:11-12
2
Chɛ̄nɛ̍se̍ē 35:3
Mī lā bɛ̄ɛ̄ndi̍a̍ŋ, mī lā chɛ᷄ŋ le̍ kɔ̄la̍ŋ Bɛ̍tɛ̄ɛ̄l. Kāni̍ fu̍u̍le̍, bōōndi̍i̍ ya̍ wa̍ o̍ nyɛ̄ pālāa̍ ni᷄ŋ nde̍, Mɛ̄lɛ̄ka̍ ya̍ pi̍ɛ̍i̍ mbo̍ mūlī pīɛ̄īlē nīle̍ŋ ndu̍yɛ̍, mbo̍ wā ya̍ kɔ̄ɔ̄lī bā o̍ bā ya̍ kɔ̍ wo̍, I̍ nɔ̍ mī kɔ̍ ta̍ŋgūl ma̍āŋndo̍ le̍ Mɛ̄lɛ̄ka̍ kōŋ sōōlūūwo̍.”
Explore Chɛ̄nɛ̍se̍ē 35:3
3
Chɛ̄nɛ̍se̍ē 35:10
Mbo̍ dūāū ndu̍ sa̍lā, mbo̍ dīmūl ndu̍ āā, “Nda̍ a̍a̍, ve̍e̍lū nu̍m āā, Che̍kɔ̍pū, kɛ̍ dīōlā nūmnda̍ cho̍ lɛ̍ wā āā, Che̍kɔ̍pū le̍. Dīōlā nūmnda̍ŋ ni᷅ŋ āā I̍sɔ̄lūɛ̄ī.” Mi̍ Mɛ̄lɛ̄ka̍ kē ndu̍ I̍sɔ̄lūɛ̄īla̍ŋ.
Explore Chɛ̄nɛ̍se̍ē 35:10
4
Chɛ̄nɛ̍se̍ē 35:2
Mɛ̄ɛ̍ Mɛ̄lɛ̄ka̍ dīmu̍l Che̍kɔ̍pū le̍nde̍, mbo̍ dīmūl yu̍ŋgu̍ ndɔ̄ɔ̍ āā, “Wānā o̍ wānā lā sōōlu̍u̍ nyɛ᷅m yɛ̍ yɛ̍ŋ ya̍ bīu̍ mi̍ ŋ̄ wā nya̍ o̍ lābā mī lā sōōlūū mu̍ŋ māā mɛ̄lɛ̄ka̍ā nyā wo̍ŋ, mī lā tɛ̄ɛ̄mbu̍u̍ mu̍ŋ kpo̍u̍. O̍ ko̍ŋ kɔ̍ɔ̍lī, mī lā dīndi̍ nya̍ pi̍la̍ Mɛ̄lɛ̄ka̍ o̍ hɔ̄l. Nyɛ̄la̍ cho̍ nya̍ lēkɔ̄ɔ̍ la̍ŋ ki̍nɛ̍i̍ mī lā sōōlu̍u̍ la̍ŋ, mī lā wōūnu̍ŋ la̍ che᷅le̍ŋ.
Explore Chɛ̄nɛ̍se̍ē 35:2
5
Chɛ̄nɛ̍se̍ē 35:1
Mi̍ Mɛ̄lɛ̄ka̍ dīmūl Che̍kɔ̍pū āā, “Che̍kɔ̍pū, chɔ̍ŋ mā kūɛ̄ Bɛ̍tɛ̄ɛ̄l, mā kɔ̍ cha᷅l lo̍ŋ. Ā kūɛ̄ pɛ̍, a̍ kɔ̍ ta̍ŋgūl ma̍āŋndo̍ lo̍ŋ le̍ ya̍ Mɛ̍lɛ̄ka̍ sōōlūūwo̍, ya̍ Mɛ̄lɛ̄ka̍ chɔ̍mnu̍ŋ nu̍m a̍ bōōndi̍i̍ nūm o̍o̍ nya̍a̍nu̍ŋ I̍īsɔ̄ bɛ̍nūm nde̍ wo̍.”
Explore Chɛ̄nɛ̍se̍ē 35:1
6
Chɛ̄nɛ̍se̍ē 35:18
Kɛ̍ mɛ̄ɛ̄māā pīɔ̍mndo̍ ko̍ni̍ o̍ wa̍ ni᷅ŋ ni̍. Lɔ̍ɔ̍pa̍ o̍ ma̍lnūŋ kɔ̍l, mbo̍ dīmī āā, “Dīōlā ndɔ̄la̍ŋ āā, Bɛ̄ŋ Bɛ̍no̍nī.” Kɛ̍ mi̍ fi̍nyā ndɔ̄ ke᷅ ndu̍ dīōla̍ŋ āā, Bɛ̍ŋnja̍mīŋ.
Explore Chɛ̄nɛ̍se̍ē 35:18
Home
Bible
Plans
Videos