Popular Bible Verses from Chɛ̄nɛ̍se̍ē 17

Share

Mɛ̄ɛ̍ E̍bīlām wa̍ wɔ̄sīla̍ŋ be̍le̍-ŋɔ̄ma̍hīɔ̍ɔ̍lu̍ a̍ lā ŋɔ̄ma̍hīɔ̍ɔ̍lu̍ (99), mi̍ Mɛ̄lɛ̄ka̍ Ya̍a̍wɛ̄ɛ̄ o̍ chɔ̍mnu᷄ŋ ndu̍. Mbo̍ dīmūl E̍bīlām āā, “Ya̍ cho̍ Mɛ̄lɛ̄ka̍ kpu̍lu̍ŋgūma̍ bɛ̄ndōo̍ ni̍. To̍sa̍ nyɛ̄ ya̍ I̍ di̍mūl nu̍m ndo̍, ndu̍yɛ̍, mā to̍sa̍ nyɛ̍ bɛ̍nda̍ ya̍ o̍ hɔ̄l lo̍.

Dīōlā nūmnda̍ cho̍ lɛ̍ āā, E̍bīlām te̍. Dīōlā nūmnda̍ŋ ni᷅ŋ āā, E̍bīlāha᷅m.

“I̍ cho̍ kpe̍ma̍a̍ yīī na̍a̍ nūm tɛ̍ɛ̄ŋ a̍ wāŋnda̍ o̍ pūlālē nūmnde̍ŋ chōo̍, chɔ̍ŋ a̍ bōōnde̍i̍ he̍ī mbō kūɛ̄ le̍ fɛ̍ɛ̍ŋ a̍ fɛ̍ɛ̍ŋ. Kpe̍ma̍ ko̍ŋ cho̍ ni̍ māā, nūm ni̍, a̍ pūlālē nūmnde̍ŋ, I̍ cho̍ wā Mɛ̄lɛ̄ka̍ nyā.

“Kpe̍ma̍a̍ ya̍ I̍ cho̍ ho̍ō yīī na̍a̍ nūm tɛ̍ɛ̄ŋ ni̍. Ā chō wā fi̍nyāa̍ le̍ kāa̍la̍ŋ ta̍u̍ ta̍u̍.

Mi̍ Mɛ̄lɛ̄ka̍ dīmī āā, “Sāko̍, ō cho̍ I̍si̍mɛ̄ɛ̄l le̍ cho̍ chīɛ̄ī nūmndo̍ lōō le̍. Se̍lūā la̍a̍ nu̍m chō nu̍m pōo̍ vīlūl, ndu̍yɛ̍ mā ke̍ ndu̍ dīōla̍ŋ āā, Āa̍se̍. I̍ cho̍ kpe̍ma̍a̍ yīī na̍a̍ ndu̍ tɛ̍ɛ̄ŋ a̍ pūlālē ndɔ̄le̍ŋ le̍ fɛ̍ɛ̍ŋ a̍ fɛ̍ɛ̍ŋ.

Nūm ni̍, pūlāle̍ fu̍lā ni̍ŋ o̍ nūm ni̍ŋ nde̍ŋ ni̍, lɛ̄ŋndē Ke̍nāŋnde̍ŋ nde᷅ŋ kpo̍u̍, lē nya̍ chō le᷅ŋ ni᷄ŋ māā lāmīāl le̍ŋ, I̍ cho̍ nya̍ le̍ŋ kē. I̍ cho̍ chūāā nūm a̍ ma̍māa̍ le̍ŋ kē nyɛ̄ ndā le̍ fɛ̍ɛ̍ŋ a̍ fɛ̍ɛ̍ŋ. Ndu̍yɛ̍, I̍ cho̍ wā Mɛ̄lɛ̄ka̍ ndā.”

O̍ ko̍ŋ, mi̍ E̍bīlāha᷅m tu̍ndu᷄ŋ, mbo̍ bāŋ hɔ̄lla̍ lɛ̄ŋ, mbo̍ mām. Mbo̍ dīmūl ndu̍ pi̍la̍ āā, “Ya̍ cho̍ ni᷅ŋ ho̍ō wɔ̄sīla̍ŋ kɛ̄mɛ̄ wo̍ (100), ya̍ vi̍a̍lū vɛ̍lɛ̄ ni̍? Se̍lūā la̍a̍ nī bɛ̍ɛ̍, ndu̍ cho̍ ni᷄ŋ ho̍ō wɔ̄sīla̍ŋ be̍le̍-ŋɔ̄ma̍hīɔ̍ɔ̍lu̍ (90) wo̍, ndu̍ vi̍a̍lū vɛ̍lɛ̄ ni̍?”

Mi̍ Mɛ̄lɛ̄ka̍ dīmūl E̍bīlāha᷅m āā, “Se̍lūāī la̍a̍ nu̍m ndu̍, a̍ nɔ̍ lɛ̍ mā ve̍e̍lu̍ ndu̍ āā Se̍lūāī le̍. Dīōlā ndɔ̄la̍ŋ ni̍ŋ āā Se̍lūā.

Ā nɔ̄ mā sɔ̄la̍ hīvīo̍o̍, he̍ī wa̍ māā tāāmāsi̍ le̍ kpe̍ma̍ cho̍ na̍a̍ tɛ̄ɛ̄ŋ na̍a̍ nya̍ā wo̍.

Kɛ̍ ndu̍yɛ̍, Āa̍se̍, ō Se̍lūā cho̍ nu̍m vīlūl pɛ̄ŋgo̍o̍ ho̍ō nyīlāsīāŋ ndo̍, a̍ ndu̍ ya̍ I̍ cho̍ kpe̍ma̍a̍ yīī ni̍.”

Chɔ̍ŋ a̍ bōōnde̍i̍ he̍ī, chɛ̄lɛ̄kpɛ̍ o̍ chɛ̄lɛ̄kpɛ̍ wa̍nā pɔ̍nɔ̍ ve̍lu᷄ŋ nya̍ tɛ̄ɛ̄ŋ pɛ̍, mbō chīŋa̍ pālɛ̍i̍ ī ŋɔ̄ma̍a̍, ō nɔ̄ mbō sɔ̄la̍ hīvīo̍o̍. Ō wa̍ chɛ̄lɛ̄kpɛ̍ ve̍lu᷄ŋ o̍ nūmndo̍ chi̍ɛ̍ī ni̍ŋ ni̍, ō wa̍ chɛ̄ ŋ̄ pēndū wāna̍ lēkāa̍ o̍ bā, o̍ fu̍la̍ bɛ̍ɛ̍ o̍ pūlālē nūmnde̍ŋ chōo̍ le̍ wo̍ ni̍, fa̍ū ā nɔ̄ mā sɔ̄la̍ hīvīo̍o̍ o̍ chīɛ̄ī kɔ̄ɔ̄lī. Ō wa̍ vi̍o̍lɔ̄ɔ̄ wāā o̍ yu̍ŋgu̍ nu̍mndo̍ chōo̍, ō wa̍ chɛ̄ ŋ̄ pēndū a̍ nyɛ̄ sɔ̄lāā ni̍, kpo̍u̍ ā nɔ̄ mā sɔ̄la̍ hīvīo̍o̍. Tāāmāsi̍o̍o̍ cho̍ ho̍ō o̍ dīāllūŋ nyāa̍ŋ ni᷄ŋ ni̍, le̍ chɔ̄mndo̍ māā kpe̍ma̍ fɛ̍ɛ̍ŋ a̍ fɛ̍ɛ̍ŋ ndo̍ nya̍ yīi̍ ni᷅ŋ ho̍ō a̍ ya̍ ni̍.