Mi̍ Nyi̍nā Kāsīo̍o̍ dīmūl Fi̍li̍pī āā, “Kɔ̍, mā sɔ̍ɔ̍ŋgu̍u̍ o̍ nyɛ̄ nyāāna᷄ŋndo̍ īkɛ̄i̍ mī lā kūā nya̍ ndu̍.” Mi̍ Fi̍li̍pī nya̍a̍nu᷄ŋ mbo̍ sɔ̄ɔ̄ŋgūū o̍ nyɛ̄ nyāāna᷄ŋndo̍ īkɛ̄i̍. Mbo̍ tūɛ̄ī pōo̍ ho̍ō chō nyɛ̄ wāna̍ su̍a̍ā le̍ Mɛ̄lɛ̄ka̍ wo̍ Āīsa̍yā po̍o̍nyi̍a̍a̍ wo̍ tōfāa̍ o̍ yāu̍wo̍ ni᷄ŋ mbō tōmbōlā ndu̍. Mi̍ Fi̍li̍pī nyu̍nā ndu̍ āā, “Ā chō pa̍ nyɛ᷅ ŋ̄ chō ko̍ŋ to̍fāa̍ wo̍ pɛ̄ŋgu̍ si̍na̍?”
Mbo̍ mūlī āā, “Mī vɛ̄ɛ̍nɛ̍ ya̍ I̍ si̍nā yɛ̍ ndu̍ pɛ̄ŋgu̍? I̍ nɔ̍ wa᷅na̍ tɛ̍ɛ̍sīāl la̍ ndu̍ le̍.” Mbo̍ dīmūl Fi̍li̍pī māā ō he᷄l mbō cha᷄l ndu̍ īkɛ̄i̍ o̍ nyɛ̄ nyāāna᷄ŋndo̍ ni᷄ŋ.