Popular Bible Verses from 2 TESALONICENSES 2

Share

Peikwa katu peyembopa ukai rene ñepëi yepe ava upe. Esepia yɨpɨndar arɨ Jesucristo yu agwä renonde, oura mba'e-mba'e tëi aposar a'e Tüpä amotare'ɨ̇sar sekoi va'e, a'ese oyemboyekwara ava yangaipa gwasu va'e, a'e okañɨ tëi va'erä ite.

Ore rumo, avɨye ndeu oro'eño ite Tüpä upe pe rekokwer rese yepi, che rɨvrɨ eta, yande Yar rembiaɨsu peiko va'e, esepia Tüpä ni'ä pe poravo yɨpɨsuive pe pɨsɨrö agwä pe reko maräne'ɨ̇ agwä rese Espíritu pɨpe iyavei porombo'esa supiete va'e reroya agwä.

Evokoi ava oyemboɨvate aira opakatu Tüpä rer rerekosar amotare'ɨ̇save iyavei ndoipotai chira ambuae mboetei, oike aveira ogwapɨ Tüpä rëtä pɨpe inungar-ra Tüpä ite viña, supiete che Tüpä aiko e'i tuprɨ tëira öi.

Yande Yar Jesucristo teiete, yande Ru Tüpä avei, yande raɨsu yande rovasasa pɨpe ombou vɨ'asa apɨre'ɨ̇ va'e yandeu, iyavei yande reko tuprɨ rärö agwä iporoaɨsusa rese, a'e tape mongere'ɨ̇, tape movɨräkwä avei opakatu ñe'ësa avɨye va'e rese, opakatu mba'e pe rembiapo avɨye va'erä rese avei.

Sese Tüpä oseyara ko porombopasa reroya agwä yuvɨreko chupe

Evokoi ava ndipɨ'ai va'e, oura Karugwar pirätäsa pɨpe; gwerura gweko pirätäsa tuvicha va'e; omboyekwa anga'ura poromondɨisa nda'ei va'e supi. Oyapora opakatu mba'e-mba'e tëi oporombopasa pɨpe ava okañɨ tëi va'erä upe, esepia evokoi ava ndosendu potai porombo'esa supiete va'e oñepɨsɨrö agwä yuvɨreko.

Ko porokwaita amotare'ɨ̇sar ndoyemboyekwa vɨtei va'e rembiapo oime kurïtëi; ko gweraño ipane imombɨtasar renose agwä ipa'ü sui.