Popular Bible Verses from 1 TIMOTEO 4

Share

Tipo eme ava nde reroɨrö va'e chi'ïvä'e katu nde reko rese; nde rumo ereiko tuprɨra Tüpä reroyasar rovake. Eñe'ë Tüpä reroyasave nde reko tuprɨsa pɨpe. Esaɨsu tuprɨ nde yeroyasave nde rekokwer maräne'ɨ̇ pɨpe.

esepia yepe avɨyeño chi'ï yande retekwer yamovɨräkwä viña, yande Yar upe yande reko agwä avɨye katu opakatu yande reko upe narä. Esepia a'e yande pɨtɨ̇vɨïra yande rekove agwä kurïtëi iyavei kuri yande rekove agwä.

Iyavei eñearö tuprɨ, eikwa katu nde porombo'esa rese, eyemovɨräkwä opakatu mba'e nde rembiapokwer rese. Akoi egwë erese ipɨsɨröprɨ ereikora, nde ñe'ë rese oyapɨsaka va'e avei ipɨsɨröprɨ yuvɨrekoira.

Iyavei Espíritu aipo e'i tuprɨ yandeu, koiye arɨ kañɨ renonde, amove ava oyepepɨra Tüpä rese oyeroyasa sui yuvɨreko. Omboyeroyara espíritu oporombopa tëi va'e porombo'esa karugwar suindar.

Ndereyapɨsakai chira rumo akoi mba'e araka'endar ko ɨvɨ pendar yapɨsaka tëisa rese. Eyembo'e katu yande Yar upeño ite nde reko agwä

Che yepota renondeve, eyerokɨ katu Tüpä ñe'ëngagwer rese opakatu ava rovake. Emongere'ɨ̇ katu yande rɨvrɨ eta iyavei erembo'e tuprɨra.