Popular Bible Verses from 1 TESALONICENSES 5

Share

Peyembovɨ'añora arɨ yakatu rupi yepi. Iyavei peyerurera arɨ yakatu rupi no. Avɨye ndeu peyera Tüpä upe opakatu mba'e rese, esepia a'e ni'ä oipota peü ko Cristo Jesús reroyasa pɨpe.

Tüpä tombou teko tuprɨsa peü iyavei tape pe'apa tuprɨ oyeupe narä, iyavei tosärö tuprɨ opakatu pe pirätäsa, pe'ä, pe rete avei pe reko maräne'ɨ̇ agwä ko yande Yar Jesucristo yevɨ irise kuri. A'e akoi pe poravo va'e oyeupe narä seko tuprɨ va'e, omboavɨye aveira opakatu ko mba'e.

Peikwa katu pe rereko megwa potasar sui. Ndapemboyevɨi chira mba'e-mba'e tëi ko pe rereko megwa potasar upe, iyakatu rumo peyapo tuprɨ mba'e avɨye va'e peyeupe, opakatu ava upe aveino.

Sese peyemongere'ɨ̇ katu, iyavei peyemovɨräkwä katu vɨte peyeupe inungar ko peyapo peiko.

Che rɨvrɨ eta ko mborokwaita seyasara peü, pemboarakwara akoi ndoporavɨkɨ potai va'e imbo'e katu agwä, pemongere'ɨ̇ ava nikere'ɨ̇ va'e, peipɨtɨ̇vɨï avei akoi ndoyemovɨräkwä tuprɨi va'e gweko agwä rese, peñemosaño avei opakatu ava upe yepi.

Esepia ni'ä, Tüpä ndayande poravoi yaiko va'erä iñemoɨrösa pɨpe, a'e rumo yande poravo yasupitɨ va'erä ñepɨsɨrösa yande Yar Jesucristo rembiapo sui.

Esepia pe opakatu peiko va'e Tüpä poroesapesa pɨpe. Nda'e iri yande pɨ̇tümimbi pɨpendar yaiko