Popular Bible Verses from Mariko 10

Share

Okuba Omwana wo mu:nu one ate:jire kufurubenderwa, nawe e:jire okufurubendaga, no kuso:sya obuanga bwae bube cicunguriro ca ba:nu ba:fu.

Yesu nabarora na:ika ati, Mbe aba:nu batakutura eco, nawe bitari kutyo ku Nyamuanga, okuba Nyamuanga katura byone.

Mbe Yesu namubwira ati, Genda ewao. Okwikirisya kwao kwakuosya. Aonao narora, naru:ba Yesu mu njira.

Mbe cinu Nyamuanga abumbatanyisye, omu:nu atari:ja kucita:nya.

Yesu namurora, namwenda. Namubwira ati, Ugerukireko musango gumwi. Genda, uka:ne byone binu uri nabyo, ugabire abataka, nikwo uriba no buni:bi mu rwire. Niwo u:je, ugege omusaraba gwao, undu:be.

Yesu naindura namubu:sya ati, ?Owenda nkukorere ki? Omuofu namubwira ati, Rabbi enenda nirore.

Nawe bitabega kutyo mwimwe. Nawe unu arendaga okuba mukuru wemwe, niwe abega mufurubendi wemwe.

Ni cimari enibabwira ati, Unu wo:ne akarema okwikirisya obukama bwa Nyamuanga rwo mwana omuto:to, oyo ataribwingira na katyari.

Nawe ba:fu abo kwamba nibo bariba aba inyuba, na ba inyuma bariba abo kwamba.

Nawe kuso:ka ku bwambiro bwo kubumba, Nyamuanga ababumbire omurume no mugasi. Omu:nu kwarakoraga nasiga esemwene na nyiramwene, Nibabumbatana no mugasi wae. Abo bo:ne barabaga mubiri gumwi Mbe batacari babiri rindi, nawe bari mubiri gumwi.