Popular Bible Verses from Matayo 7

Share

Musabwe muriyabwa, muyenje muribona, mwibu:re muri:gurirwao.

Kwo kuba mu:nu wo:ne unu kasabwa kayabwa, na unu kayenja kabona, na unu ke:bu:ra ke:gurirwao.

Mbe mu:nu wo:ne unu kongwa ebigambo byani binu no kubikora kwarikora nasusanyibwa rwo mu:nu wo bwenge unu ombakire inyumba yae ku rutare.

Mbe byone binu omwenda aba:nu okubakoreraga emwe, nemwe one mubakorerega kutyo, kwo kuba eco nico ebiragiro na baragi.

Okuba omuryango omufunde na injira inu eigenda mu buanga ni funde na banu abaibona bakeere.

Mwingire mu muryango omufunde, kwo kuba omuryango omugari na injira inu eigenda mu kusimagira ni ngari, na banu abaturako ni ba:fu.

Kambe emwe ababi:bi mumenyere okuyana aba:na bemwe ebi:nu bye kisi, ?Esomwana unu ari mu rwire atakukira muno okuyana ebye kisi banu abamusabwa?

Musige kuramura, emwe one korereki musige kuramurwa. Kwo kuba okuramura kunu omuramura emwe one nikwo muriramurirwa. Na indengo inu omurengamo, niyo one murirengerwa emwe.

No mu:nu wo:ne unu kongwa ebigambo byani narema okubikora, arisusanyibwa rwo mutamutamu, unu ombakire inyumba yae mu nsenyi.

Kubaki ourora akakongokera kanu kari mu ri:so ryo wanyu, nawe utakurora riti riri mu ri:so ryao? Tere amwi urimubwira kutiki owanyu ati, Siga nikuso:sye aka:nu kanu kari mu ri:so ryao, ke:nu riti riri mu ri:so ryao?

Mwikenge abaragi bo rurimi, banu aba:ja kwimwe bafwae bifwaro bya ji:na:ma, nawe munda ni misege miruru mika:busi. Muribamenyera ku matwasyo gebwe. ?Abanoga emijabibu ku bikomati amwi abanoga jitini ku matobo:ro?

Nikwo kutyo eti ryone erye kisi eritwasya amatwasyo ge kisi, nawe riti ribi:bi eritwasya amatwasyo mabi:bi.

Riti rye kisi ritakutura kutwasya amatwasyo mabi:bi, nyaburiko na riti ribi:bi ritakutura kutwasya amatwasyo ge kisi.

Eti ryone rinu ritakutwasya matwasyo ga kisi abaritema nibaryesa mu murio.