Popular Bible Verses from Luk 6

Share

Ii tien niib mɑn, k Yennu mun sii tien’i. Yennu sɑɑ cɑɑt bonŋɑnn nɑn ŋmɑnbɑnŋ nbɑ gbie nɑn mɔgbɑnɑ k tul’i k mɑɑn Yennu sɑɑ cɑɑt k tul’i biɑnŋ nbɑ k i cɑɑtl k tien i lieb nɑ e.»

Niŋɑnɔ e tuun bonŋɑnn k mɑɑn u pɑl ni gbie nɑn bonŋɑnn mɑnŋ, k nibiiuk mun tuun bonbiil k mɑɑn u pɑl ni gbie nɑn bonbiil mɑnŋ. Lin nbɑ be nilɔ pɑl ni, ŋɑnn e nyi u mɔb ni.

«L pɑɑk, ii mɔk lonm nɑn i dɑtɑi mɑn, kii tuun bonŋɑnn kii tien’m, kii biɑ kii kpentl kii tien’m k dɑɑ dɑɑn nɑn b sɑɑ jiin ɑ. Nnɑ e k i nyuɑt sii yɑb k i biɑ sii tie Yennu wɑɑs, k mɑɑn ŋuɑ e tuun bonŋɑnn k tien bin nbɑ k tien’ɔ niipuouk, nɑn biitdɑnm.

Ii mɔk ninbɑtinu mɑn nɑn i Bɑɑ Yennu nbɑ mɔk ninbɑtinu biɑnŋ nbɑ nɑ.

«I dɑɑ kpɑɑn lieb biit nbɑ k i sɑɑ fit tɑɑl’b l pɑɑk, k Yennu mun dɑɑ tɑɑl’i ni. Dɑɑ piɑk nilɔ biil k gbent’ɔ, k Yennu kɑn biil k gben’ɑ ni. Nyikn cɑb niib k Yennu sɑɑ nyik cɑb’ɑ mun.

«Yinm nbɑ gbiintl n mɑɑn nɑ, n yien’i e, ii mɔk lonm nɑn i dɑtɑi mɑn, kii tuun lin nbɑ ŋɑn kii tien bin nbɑ nɑn’i. Bin nbɑ polntl’i mɔpolɑ, yin yɑt yetŋɑnm b pɑɑk. Bin nbɑ sɑlkt’i, ii mei Yennu kii tien’m.

Biɑnŋ nbɑ k i luon niib ii tuun kii tien’i nɑ, ii mun ii tuun nnɑ kii tien i lieb.

Wun nbɑ peb ɑ tɑnpɑk, fɑn ŋmɑnt liel po mun k wun peb. Wun nbɑ jii ɑ liɑtfuouk nbɑ tie gbɑktl, fɑn sɑk k wun gɑɑl ɑ suot mun biɑk. Wun nbɑ kul miɑl’ɑ siɑl, fɑn tul’ɔ. Wun nbɑ fɑt ɑ bonɑ, ɑ ji dɑɑ wɑɑ gɑɑn.

«Tiŋɑnŋ k luon luɑnbiit, k tibiiuk mun k luon luɑnŋɑnɑ.

Tiik luɑnɑ ni e k b bɑnt’ɔ. B k lɑɑt luɑnɑ nbɑ k b yi *fiig kunkonŋ pɑɑk k pɔ, k biɑ k lɑɑt *lɑɑsen penn pɑɑk k pɔ.