Popular Bible Verses from Tuonɑ 4

Share

K suɑ sɑnn ji kɑɑ tingbounŋ nɑ ni k Yennu tul niib ɑ bin lɑ fielu, sie Yiesu kuukuɑ.»

K bin nbɑ tien Yiesu yɑdɑ nɑ nbɑ gbenn Yenmiɑlu nɑ yuo nbɑ, k siɑn nbɑ po k b tikl nɑ ji jek, k b kul ɑ gbie nɑn Foŋɑnm, k ji piin piɑk Yennu mɑɑn nɑn pɑlcienn.

Tɔn, mɔtɑɑnɑ, Yonmdɑɑnɔ, gbiintl niib nɑ nbɑ fuɑ kɔnfuɑt nɑn ninmɔnn t pɑɑk nɑ, k ŋɑɑn k tinm nbɑ tie ɑ tuontunnɑ nɑ i piɑk ɑ mɑɑn nɑn pɑlcienn bonciɑnn.

Ŋuɑ e tie dɑɑnɔ nbɑ k Yennu lolkpel kɑdɑɑɔk piɑk u po nɑ, ɑ: ‹Tɑnn nbɑ k yinm tɑnmɑɑlɑ yet’ɔ nɑ, ŋɑnn e set tie tɑnn nbɑ te k ŋɑɑk mɔk pɑnŋ.›

Tituk niib mɑnŋ nbɑ din lɑ Piɑl nɑn Sɑn pɑlcienn nbɑ k b mɔk nɑ, k biɑ bɑnn nɑn Piɑl nɑn Sɑn tie dɑnm nbɑ k mi kɑdɑɑɔk bonŋɑnn k k tie nijɑɑnɑ nɑ, l din yɑɑl ŋɑɑn lit’b e, k b ji bɑnn nɑn b tuu tie Yiesu wei-nɑn-lieb e.

L yuo nɑ k Yiesuweilɑ mɑnŋ kul ɑ tɑɑn lieb nɑn dudukyent kuukuɑ. B suɑ din k yɑɑ ɑ u yen siɑl u mɔnŋ, ŋɑɑn b din centl b bonɑ k tien b lieb e.