Popular Bible Verses from Markò 13

Share

Àmè sia àmè la crì mì ɖo ŋuti nyè, vɔ̀a àmè kè la do èjì lè àyàɖùɖuwo nu kaka yì vɔ̀vɔnua, wo la hlùɛ̃ ɛ̀ gã.”

Mì kpɔ mìa ɖokoewo ji nyuɛ̃ ɖe ne mìa nɔ̀ ŋùzɔ̃, ɖo mì mu nya gà kè mè ènu kèawo la jɔ̀ ò.

Ne wo le mì, kplɔ̀ mì yì kòjoɖopea, mì mu gbà nɔ gbã èta, la nɔ ji ènyà kè mì la gblɔ̃a ò. Ènu kè Mawu la sɔ do àyè mè na mì gà ŋua mèa, ye mì la gblɔ̃; ɖo mu nyi mìawo ŋutɔ ye la pò nupo ò, vɔ̀a Gbɔ̃gbɔ̃ Kɔ̀kɔ̀ɛ a ye.

Jiŋùkusi ku ànyigbã la klo va yì; vɔ̀a, ènyà nyèwo mu la va yì gbèɖe ò.”

“Vɔ̀a, àmè ɖe mu nya ŋùkèkè ŋua ò; àmè ɖe mu nya gàpòpoa cã ò. Mawu be àtikplɔtɔwo mu nya ɛ̀ ò. Èvia cã mu nya ɛ̀ ò. Ètɔa kpò ye.

Ne mì sè be, wo le gblɔ̃ àhùa be ènyà lè àfi ɖe, àlo wo le wɔ̀ àhùa lè àfi ɖe a, àdìka mu gbà sò mì ò, ɖo ènu kèawo ɖo la jɔ̀, vɔ̀a mu la kpɔ nyi xixea be vɔ̀vɔnu hàɖe ò.

Ye ŋutia, mì nɔ̀ ŋùzɔ̃, ɖo mì mu nya gà kè mè àxuetɔa la gbɔ̀ ò. E teŋu gbɔ̀ lè fìɛ̃si mè, àlo lè èzã dòmè, àlo gà kè mè kòklo kuna àtɔa, àlo ŋùdekɛ̃nyɛ fùtùu. Mì mu gbà lɔ̃ ne bèa va kpɔ mì lè àlɔ̃ mè ò. Ènu kè mù le gblɔ̃a, mìa kpata ye mù le gblɔ̃ ɛ̀ na. Mì nɔ̀ ŋùzɔ̃.”

Dùkɔ̃ ɖe la wɔ̀ àhùa ku dùkɔ̃ bu. Fìɔdu ɖe la sitè ɖo fìɔdu bu ŋuti. Ànyigbã la hũhũ lè àfi vòvòwo; àdɔ̀ cã la to, vɔ̀a, ekèawo ye la nyi vevesèsewo be gɔ̃mè jèje.

Đo, e jè be woa do àŋɛ̀nyuɛ̃ a lè dùkɔ̃wo kpata mè.

Đo àmè sùgbɔ la va lè àpe nyikɔ mè, la gblɔ̃ be: 'Ènyè ye nyi Kristò', Eye wo la flù àmè sùgbɔ.

Vɔ̀a mìawo yaa, mì kpɔ mìa ɖokoe ji nyuɛ̃ ɖe; ɖo wo la ɖèfũ na mì. Àmèwo la kplɔ̀ mì yì kòjoɖopewo; wo la pò mì lè bɔ̀bɔ̀pewo. Wo la kplɔ̀ mì yì èfìɔwo ku èdùmèmègãwo gbɔ ɖo ŋuti nyè; eye, mì la ɖù ɖase na mù lè woabe ŋùkɔ̀.

Đo àmè kèwo gblɔ̃nà be yèwo ye nyi Mɛ̀siaa ku àmè kèwo gblɔ̃nà be yèwo ye nyi Mawu be gblɔ̃ɖɛtɔwoa, sùgbɔ la va. Wo la nɔ wɔ̀ ŋùdãdɔwo ku nùkunuwo ne woa sɔ flù àmè kèwo Mawu cãawo, ne wo teŋuã.

“Vɔ̀a, lè àzã ŋuawo gbèa, lè àyàɖùɖu ŋuawo yomè a, èwè la do vìvìti, wètri mu la gbà kɔ̀ ò. Wètriviwo la gɛ̃ so jiŋùkusi; ŋusɛ̃ kèwo lè jiŋùkusiawo la hũhũ.