Popular Bible Verses from Romains 4

Share

Waa fá u-mákal kí dàkafì yii Unimbɔti kaa ŋūǹ kí ŋá tin u pōoǹee, ama u-mákal tīī-u mpɔn ní u nyɔ́ŋkì Unimbɔti, ki béè u-pɔbilin yii, ibaamɔn, Unimbɔti cáá mpɔn ki làá ŋá min u pōoǹee.

Unimbɔti lī u-gbɔŋku poon míǹ ní yii: «M dū-si ki kpántì atimbun tikpil baa.» Unimbɔti un fìkitī bitaŋkpiibi ki wāĺ tin kaa láá bée kii tì bée, Unimbɔti un pu Abraam nìn mákée yāntì u sá ti-baa.

Ti-kpitii pu ní Yeesu kpíì, ní ki fīkitì, ti mun ń ŋmā kí kpántí deedeedambi Unimbɔti nimbiin.

Abraam nìn fōō ki kíí ní ki máká, nì min kɔkɔ dimákal diba nìn pée kpée, ní ki lafun dūu kpántì atimbun tikpil baa. Kii Unimbɔti nín nìn pée tùkū-u puee yii: «A-maaliŋun yab nín làá nīn wīikí min nyɔkɔmee dee.»

Mimmee, ti ká yii ti nín fōō Unimbɔti ki kííyee pu ní ti fòol̄ tin u pòontí-tee. An sá Unimbɔti ŋanti pu ní an bí míǹ ki tīī Abraam maaliŋun yab kɔkɔ. An kaa sá ki tīī bin tɔ́ Mooyiisi marabee ŋmaniŋma, an sá ki kpáaǹ bin kɔkɔ fōō Unimbɔti ki kíí kii Abraam nín nìn fōō ki kíí puee. Timbi bin kɔkɔ fōō ki kííyee baa di sá Abraam.

«Bin bin Unimbɔti dū bi-yìntitam ki pú-bi ki pítì bi-kpitiiyee bí dipɔɔpindinaaa! Un ní ti-Dindaan kaa ti lì yii u ŋá ikpitee bí dipɔɔpindinaaa!»

Unimbɔti gbɔŋku poon lī yii ba ní? An lī yii: «Abraam nìn fōō Unimbɔti ki kíí, ní Unimbɔti ká u-fookiiu un u cáá u-puee ní ki yíiń-u deedeedaan.»