Popular Bible Verses from Luc 14

Share

«Un yaa dɔ́miń man cee ki là kí kpántí m-boonnooliuee, see ú nīn néeń man ki jítiǹ u-baa nì u-na nì u-nimpuu nì u-biyaamu nì u-nabiyaamu, ní kí nīn néeń man ki jítiǹ úǹ u-ba.

Sii un yaa kaa yōoǹ a-dɔpuntikaaŋu ki túǹ kí nīn nóó-mee kaa ŋūǹ kí nīn sá man boonnooliu.

Míǹ mbaantiim ní un kamaa yaa yōoǹ u-ba yilpuee, Unimbɔti làá sìntīǹ-u taapu, ní un yaa sīntì u-ba taapuee, Unimbɔti làá yòon̄-u yilpu.»

Ní Yeesu gíti lī yii: «Míǹ mbaantiim ní ni-kansikin un yaa là kí nīn sá man boonnooliuee ń fá tin kɔkɔ u cááyee.»

Ni-kansikin ŋma di yaa làá mā kudikpaaŋŋu, kaa kāl̀ ki cɔ́tì kunimbiŋmiiu kí béé animbil ŋin u cááyee yaa làá bà ú mā an diiku. An yaa sá fám, u cōontí kudii ní kí dūú gbèen̄, kaa ti ŋūǹ kí púntí, ní bin kɔkɔ jītí ki wāĺ-kuee kíǹ ki bèel̄-u yii: <Kpèè, kijapaai nee bàà kíĺ ki bíi māā kudii dee ní ŋŋmam kaa ti bí-u ú púntí.>

Ama a yaa ŋá tijin ki làá yíiń binib bí dāan̄ a-dumpu kí jēe, á yíiń bisoodambi, bideembi, bifaliŋfaambi nì bijɔfub. A yaa ŋá mimmee, a làá nīn bí mmɔnni kun puee an nibee kaa ŋūǹ kí téeǹ-si, ní daliŋkin Unimbɔti yaa láa fīkitì deedeedambee, ní ú dāá pà-si.»

«Ŋyaam sá tiwammɔntiil ní, ama ŋyaam yaa kpíìyee, mana ní bi làá ŋá ní mí fàtīí mɔ̄ɔkì? Màa ŋān̄ bí dūú bíĺ kitiŋ án tīī ntiŋkpamaaa, kaa tí ŋān̄ bí dūú bíĺ tiwambɔlkaal taapu án lòoǹ mun. Asee bí dūú fá ditampundi pu. Un yaa cáá ditafalee ń pīlifì.»