Popular Bible Verses from Jean 6

Share

Ní Yeesu bí-bi yii: «Man di sá tijin tin tìì dimaŋfalee. Un yaa dɔ́miń m-ceeyee, ŋkùm kaa ti cútí udaan jaanjaan, míǹ ní un yaa tí fōō-mi ki kííyee, nnyinnyoo kaa ti cútí udaan jaanjaan.

Unil nì u-pɔ́ɔǹtam kɔkɔ sá fám ní, see Ŋfam di tìì dimaŋfal din kaa cáá dikúntilee. Míǹ ní m-bɔti tin m sòon̄ nì nee sá Unimbɔti Fam ní ki sá dimaŋfal.

Ní taa nín̄ tūǹ ditundi tijin tin kaa yúntée pu, nín̄ tūm̀maan tijin tin yúntí ki tìì dimaŋfal din kaa cáá dikúntilee pu. Tijin gbantee, man Kinibiki di làá tīī-ni tíǹ, di sá yii man ní m-Baa Unimbɔti tīī an pɔŋŋu daaŋku.»

M-Baa nín là min miŋyee sèé, yii un sá kamaa yaa ká man u-Jipɔɔn ki fōō-mi ki kííyee ń ká dimaŋfal din kaa cáá dikúntilee, ní man ń dāá fìkitī-u ŋwinjoolkaa dal.»

Ní Yeesu kíí-bi yii: «Unimbɔti nín là miŋyee di sá ní fōō man un u túnnée kí kíí.»

Bin bin m-Baa tīī-mee kɔkɔ làá dāan̄ m-cee. Un di yaa dɔ́miń m-ceeyee, maa làá fá udaan

Ní Peetroo kíí-u yii: «Ti-Dindaan, sii di cáá tibɔti tin tìì dimaŋfal din kaa cáá dikúntilee. Ŋma cee ní ti làá gíti cù?

Man di sá tijin tin nyánní yilpu ki cáá dimaŋfalee. Un yaa jíń tijin gbantee làá nīn bí kí nīn cá jaanjaan. Tijin tin m làá tīī binib kɔkɔ ń nīn cáá dimaŋfalee di sá m-wunti.»

Ubɔ kaa ŋūǹ kí dāan̄ m-cee an yaa kaa sá m-Baa un túnní-mee di cáań udaan, kí wàatī ní man ń nín fìkitī-u ŋwinjoolkaa dal.

Tijin tin Unimbɔti tììyee di sá un nyánní yilpu ki tìì binib kɔkɔ dimaŋfalee.»

Man di sá tijin tin tìì dimaŋfalee.

Ní Yeesu yōoǹ kpɔnɔbee ki jáam̀ Unimbɔti an pu ki wāatì ní ki dūu yākatì-bi, ní ki tí yākatì ijɔm mun, min báà ŋma lèe. Bi jíń ki díkée, ní u bí u-boonnooliibi yii: «Tòòmaan akati ŋin kíǹee, tiba ń taa bīil̀!»

Bi nín ŋàal̄ ki bàn̄ ataŋkpee aŋmoo kii aluu nyɔkɔmee, ní ki ká Yeesu nín tɔ́kɔń nnyim pu ki còomìń ki dòoń buŋalimbu ceeyee, ní bi fāŋkì. Ní Yeesu bí-bi yii: «Taa fàŋkìmaan, an sá man!»