Popular Bible Verses from Jean 16

Share

M tùkū-ni tin bí nee án nín làá ŋá pu man puee, ní nīn cáá ŋgbansɔŋfee. Falaa dɔ̄ ki cí-ni duulinyan doo ní jī, ama ni-wunti ń taa yɔ̀tī! Di sá yii m jáń ki pɔ́ɔkiǹ duulinya.»

Ama Unimbɔti Fam ibaamɔndaanee yaa láa bāańee, úǹ di làá dàkà-ni ibaamɔn kɔkɔ. Waa làá sòoǹ u-ba pɔŋŋu pu, u làá dāá tùkù-ni tin tin u gbìl̄ee, kí dàkà-ni tin bí ki dòońee.

Áli nìn díǹee, naa láá mēē m-yindi pu tiba, mèèmaan tiba, ni làá fōō kudɔŋu, ni-pɔbiliŋ ń mɔ̀tīí pīil̀.»

Ama, ibaamɔn ní m sòoǹ nì ni, m nín cá m-Baa ceeyee, an sá ni-paatii, kun puee m yaa búntèe, m làá tɔ̄ń Ututunli ni-cee. M yaa kaa yíkì, waa làá dāan̄ ni-cee. U yaa láa bāańee, u làá yàntī duulinya nib ń béé yii bi bí ikpitin, kí yàntī bí béé kun di sá deedeeyee, kí yàntī bí béé Unimbɔti bɔsooŋyi in dɔ̄ ki cí-bee.

«Míǹ mbaantiim ní ni mun bí dinimbinaamandin kɔŋkɔnnee. Ama m làá dāá fàtīí gíti ká-ni ní ni-pɔbiliŋ ń pīil̀. Báà ubɔ kaa dāa ŋūǹ kí lēē ni-pɔɔpindi gbanti. «An wiiŋŋu gbantee, naa dāa gíti bàlifī-mi tiba nì tiba pu. Ibaamɔn, ibaamɔn ní m sòoǹ nì ni, tin kɔkɔ ni yaa mēē m-Baa m-yindi puee, u làá tīī-ni kudɔŋu.

Ibaamɔn, ibaamɔn ní m sòoǹ nì ni, ni làá dāá nīn sūǹ ki tíminsí ní duulinya yab fàal̀. Ni làá dāá nīn bí dinimbinaamandin, ama ni-nimbinaamandi làá dāá kpántí-ni dipɔɔpindi.