Popular Bible Verses from Romans 2

Share

Ngim sikaʼn manguis si kilalawwing cha uchum, un siya bo pin-am koon, kalam pun lu mailisim chi machusaam kan Apudyus? Willu amsiwom chi manchechegula, kilaattom ya kilaalus Apudyus? Sigulachuʼn ammum chi kilaalus Apudyus ti piolaʼn ibyabyawim cha lawwing un pin-am killingwa.

Ked sikaʼn manguis si kilalawwing cha uchum, achim kalan un milisim chi machusaam kan Apudyus, ulay lu silukaʼn tagu. Ta lu kuisom cha kilalawwing cha uchum ya koom bo cha pin-acha killingwa, siyad koom chi machusaam kan Apudyus.

Ti man-iisuwon Apudyus chi mangkukuisla kan cha losan, un lappun laksigola.

Ti achipun Apudyus ibilang cha tagu lalintog gapu si mangammuwancha si lintog, ngim ha ibilanglaʼn lalintog un tagu, cha maluttuwa si lintog.

Ti sigulachuʼn idchon Apudyus si kacha tagu subyalit chi killingwacha.

Ngim cha taguʼn singsingtoncha abus chi uwachaʼn bumaɏuwan kan achipuncha mamati si katuttuwaan ngim kooncha cha losan un lawwing, ked chicha mangipain-an Apudyus si sangala ya chusala.

Ngim gapu ta latangkin chi somsomoklu, chogchog-am chi machusaam kan Apudyus si eɏgew un gumatngan chi ustu-ustuʼn manguisala kan cha losan un tagu utla pita.