Popular Bible Verses from Romans 11

Share

Ti siya langwa kan cha losan ya siya bo mangituray si losan, ya lakwa losan si machayawala. Ked machaychayaw otyan si Apudyus ing-inggala! Amen.

Lappun miyisuwan chi kilabyaklang Apudyus ya kilalaingla ya ammula! Lappun makaibyega si simsimmokla! Ya lappun bo makaawat si ugalila!

Isun chi liigiliʼn ugud Apudyus un kalala, “Ti awed kamman mangagammu si somsomok Apudyus? Ya awed kamman makatudtuchu kan siya?

Ked siya bo isula si salaʼn timpu un chakampun un losan cha Judio achipun mamati, awed cha akit un labun-an un chilutukan Apudyus gapu si kachegula. Ha lanchutukala kan chicha, chakampun un gapu si killingwacha un bibiɏu ngim gapu si kachegun Apudyus. Ta lu gapu si kilabiɏun chi killingwacha manchutukala, chakampun un maibilang un tuttuwaʼn kachegun Apudyus.

Miyalig cha Judio kayu un olibo un immuɏan Apudyus ya ilayyuwalala. Ngim lasopɏak cha uchum un pangala. Ot inyutupla pangan chi atap un olibo un miyalig chikayuʼn Gentil. Ked si sala, mipati kayu kan cha losan un kilabiɏun chi hachiʼn kayu un limuɏa. Ngim chikayuʼn liyutup un Gentil, achiyu am-amsiwon cha lasopɏak un panga, ti panga kayu abus chakampun un chikayu mamangchon si lamut, ti ha lamut siya mamangchon kan chikayu.