Popular Bible Verses from Mark 8

Share

Ti ha taguʼn piolaʼn taguwon chi biyegla ked mataɏakla mit laing. Ngim ha taguʼn mangkasutala biyegla gapu kan sakon ya gapu si Bibiɏuʼn Chameg, matatagu ing-inggala.

Ti simma magaleb chi tagu lu mangkuwala losan un awed si lubung, ngim mataɏakla biyegla si ing-inggala?

Ot ilayagen Jesus cha amod un tagu ya cha disipulusla, ot kalala, “Lu silu simpion un mitun-ud kan sakon, masapuɏʼn ichuyala long-egla, ked alusala ligat ulay siya matoyala ked tun-uchola sakon.

Ti lappun makwaʼn mansakan chi tagu si biyegla. Ti si salaʼn timpu un lappun pammatin chi kaachuwan ya amod chi kilalawwing cha tagu. Ked lu silu mabiin un mangisiked kan sakon ya ugudku, Sakon un Alak chi Tagu, mabiilak bo un mangisiked kan siya lu mangulilak un mangipaila si kilachayaw Amak un kadwaalak kan cha angheles.”

Ilimus Jesus kan chicha, “Chikayu ngay? Himma maibyegayu kan sakon?” Summongbyat si Peter, “Sika Kristu un ingkarin Apudyus un umali.”