Popular Bible Verses from Mark 6

Share

Gapu ta amod cha taguʼn gumatogatong ya umoyo-oyon, lappun timpuchaʼn mangan. Ot kalan Jesus kan chicha, “Intaku tumalin si lugeɏʼn makwaʼn umillong takù akit.”

Kalan Jesus kan chicha, “Mapotgen chi propeta si uchum un ili, ngim achipun mapotgen si mismuʼn ilila ya mismuʼn kabyeɏoyla.”

Lummogsed pun si Jesus si byangka, intullongla cha amo-amod un tagu, ot kilacheguwala chicha, ti isucha keɏlilu un lappun mangayyuwan kan chicha. Ot illugin Jesus un laludtuchu kan chicha si achuʼn byaleg.

Achipun langwa si lakaskaschaaw si Jesus udchi, malaksig kan cha akit un lasakit un langipatayala si imala ot lummin-awacha. Ot laschaaw siya ti achipun cha tagu lamati kan siya. Ot lilikwos Jesus cha ili-ili un lantudtuchu.

Ot illaɏan Jesus chi hachiʼn limaʼn tilapay ya chuwaʼn ikan, ot lantanged ud langit, lanyaman kan Apudyus. Pilispis-igla tilapay ya ikan ot illidchola kan cha disipulusla ta iwaɏascha kan cha tagu. Langancha losan ot lassugcha. Ot chilagup cha disipulusla cha lasaweɏ ot laplaplu lasawaɏan si chuwaʼn langaya.