Popular Bible Verses from Mark 16

Share

Ot kalala kan chicha, “Ingkayu si intilun chi lubung ta ibyegbyegayu chi Bibiɏuʼn Chameg kan cha losan un tagu.

Allaya cha sinyeɏ un ipailan cha lamati. Maidchencha si kalobbongan un mameɏyaw kan cha aɏan mipagapu si kilabyelin chi ngachenku ya makwaʼn man-ugudcha si sabyaliʼn ugud. Ulay lu oglencha uɏog ya ilumoncha kochot, lappun makwa kan chicha. Ked lu ipataycha imacha si lasakit, lumin-awacha.”

Ked lu silu mamati ya mampabunyeg ked matagu ing-inggala, ngim ha taguʼn achipun mamati ked machusa.

Ot ummoy cha disipulusla imbyegbyega Bibiɏuʼn Chameg kan cha tagu si losan un ili. Ot tiluɏungan Apu Jesus chicha ya pilaloklokala ugudla gapu si lakaskaschaaw un killingwacha.

Ot kalan chi bumaru kan chicha, “Achi kayu umogyat. Ammuk un singsingtonyu si Jesus un iNazareth un lilansa si krus. Ngim lappun utla, ti ummuli latagu. Itullongyu ked chi langibyelatancha kan siya.

Ngim lichuumcha pun, intullongcha un lapulig chi chakeɏʼn byetu. Ot lilumlokcha si lobon, ot intullongcha bumaru un ummaammuy si kapit chi machuwalan ya lansisillup si mamputilak ot lakasuggayatcha.