Popular Bible Verses from Luke 10

Share

Chongɏonyu! Illidchek chikayu si pallakabyelin un guschenyu uɏog ya geyyaman ya mangabyak si kabyeeɏan chi kabusuɏ. Lappun makwa kan chikayu.

Ngim kalan Jesus kan siya, “Martha, Martha, amod chi manchachaleglu mipanggop si achuʼn byaleg un makwa. Ngim ossaan chi kasapuɏan. Siyad pililiyan Mary chi kabiɏuwan, ked achipun makaan kan siya.”

Summongbyat chi leɏaki, un kalala, “Masapuɏʼn ayatom si Apudyus si losan un somsomoklu, si losan un kalichodwam, si losan un koscheɏm ya si losan un kilalainglu. Ya masapuɏʼn ayatom chi asintatagum un isun chi man-aayatlu si long-eglu.”

Kalalaʼn lan-alig kan chicha, “Achu-achu cha maali, ngim akit cha man-ali. Ked manchawat kayu kan Apudyus un singkuwa kan cha laoy un maali ta mangibuun si achuʼn man-ali.”

Ilimus Jesus si hachiʼn mistulun chi lintog, “Si uwam un kasomsomkan, silu kan cha tiɏu chi tuttuwan cheeg chi hachiʼn pilang-ok cha wanted?” Summongbyat chi mistulun chi lintog, “Ha taguʼn kummachegu kan siya.” Ot kalan Jesus kan siya, “Ingkan ked koom chi katlat.”

Ot pilalibbyat Jesus chicha, “Ingkayu! Ibuunku chikayu kan cha lawwing un tagu un isuyu keɏlilun likamos kan cha kaog-ogyat un laatap un asu.