Popular Bible Verses from Genesis 27

Share

Ya ipa'alin ni' Apo Dios nan dulnun malpud abuniyan ta ipalumongna nan payawmu, ya wagahan da'a ta pumhod di ihabalmu ta dumo'ol di ma'an ya ma'inum! Ya an amin di tatagu ya mumbalindah baalmu ta he"ay e'gonanda, ya ta"on nan tutulangmu ya nan holag inam ya he"ay ibilangdah apuda. Ya an aminda nan mangidut ay he"a ya ma'idutanda goh, mu nan mungwagah ay he"a ya mawagahanda goh.”

Ya inalin Esau di, “Pidwana mah ahan hete hi nunlayahanan ha"in! Un hiya tuwaliat un hi Jacob di ngadana ti nen un mammamloh hi biyang'un pangpangullu? Ya ten ad ugwan ya inyangunuhnan polhon tun wagah aman ha"in! At undan ahan mi'id na'angang hi iwagahmun ha"in?”

Ya tembal amana, ya alyonan hiyay, “Nan lutan ihinam ya manghan an adi tummol di mihabal ya adi dumulnu. Ya hay umabakam hinan pi'gubatam di hiyay pangngalam hi tanudmu, ya henen agim di mamaal ay he"a, mu la'tot ya nginayam ta adi minaynayun di pamaalanan he"a.”

Ya inalin Esau ay amanay, “Undan ahan adi mabalin hi unna' pi'wagah ay he"a, ama? Wagahana' ni' ahan!” Ya innayunan kumila.