Popular Bible Verses from Kejadian 22

Share

Lantaran itu, wadah nang itu dingarani sidin, “Allah manyadiaakan”. Lantaran itu pulang, sampai wayah ini urang-urang biasa baucap, “Di atas gunung pacang disadiaakan Allah.”

“Bawa Ishak, anak ikam nang saikungannya, nang ikam sayangi tu, lalu tulak ja ka banua Moria. Di situ di salah satu gunung nang pacang Kutuduhakan lawan ikam, parsambahakan inya manjadi kurban banaman gasan Aku” ujar Allah manjalasakan.

“Jangan dimatiꞌi anak ikam tu, wan jangan diapa-apai inya, sualnya wayah ini Allah sudah tahu amun ikam tu hurmat wan maasi lawan parintah-Nya. Lawan pulang, ikam langsung hakun mamparsambahakan anak ikam nang saikungannya tu gasan Allah” ujar malaikat Allah baucap.

“Allah, nak ai, nang pacangan manyadiakan anak domba tu, nang jadi kurban banaman gasan Inya” sahut sidin. Lalu bajalan pulang kaduduannya baimbai.

maka Aku pacangan bujur-bujur mambarkahi ikam. Juriat ikam pacangan Kuulah banyak banar nang kaya bintang di langit wan karangan di pantai. Juriat ikam tu pacangan manguasai kuta-kuta musuhnya. Malalui juriat ikam, samunyaan urang-urang di bumi pacangan Ku-barkahi lantaran ikam maasi lawan parintah-Ku” ujar malaikat tadi manyampaiakan Pirman Allah lawan Ibrahim.

Imbah samuaan kajadian nang itu, Allah mauji kaimanan Ibrahim. “Ui, Ibrahim” ujar Allah baucap. “Pun” sahut Ibrahim.

bakakajutan tadangar suara malaikat Allah di langit. “Him, Him, Ibrahim!” ujar malaikat Allah mangiau. “Pun” sahut sidin.

Lalu malaikat Allah baucap pulang matan langit wan Ibrahim, “Aku, Him ai, basumpah demi ngaranKu saurang. Lantaran ikam sudah balaku nang kaya itu, wan langsung hakun mamparsambahakan anak ikam nang saikungannya gasan Aku

Imbah sampai ka wadah nang dipadahakan Allah tu, Ibrahim manyusun batu maulah mija gasan mambanam kurban. Disusunnya kayu gasan mambanam, dijaratnya Ishak anaknya tu, lalu diandaknya di atas kayu tu nang ada di atas mija batu tu.