Popular Bible Verses from RUKA 5

Share

Akûthiria kwaria, eera Simioni, “Iranga îtarû ndiani, bûgere neeti cienu bûgwate makûyû.”

Simioni amûcookeria amwîra, “Mwathani, tûramategire ûtugû bunthe na gûtirî rîo tûragwata. Îndî n'ûntû ûkuuga, ka ngere neeti rûûyîîni.” Simioni na bara bangî baarî na bo, baarûtha ûgu Yiesû aabeerire. Bakûrûtha ûgu, baagwata makûyû maingî mûno, mwanka neeti cienda gûtuîkanga.

Îndî Yiesû eebathûraga akathi bantû gûtarî antû kûrombera noogo.

Ntaaya gwîta antû bara baagîru. Ndaayire gwîta bara eeyia kaingo beerira.”

Simioni Petûrû akwona ûgu, aaturîria Yiesû maru amwîra, “Tigana naani Mwathani n'ûntû ndî mwîyia!”

Yiesû abacookeria abeera, “Tika antû batarî baayie beendaga ndagitaarî. Bara baayie i bo beendaga kûragûrîrwa.

Simioni na bara bangî baumîria matarû maao rûgombeeni, baatiganîria into biao bionthe baathingata Yiesû.

Îgiita rîmwe, Yiesû naarî taûni yarî na muntû aayîîtue mûtigiri. Muntû ûyu akwona Yiesû aaya kîrî we. Amûturîria maru ûthiû bwake bûtongithîîtie nthîgûrû, amwereka amwîra, “Mwathani, weegua wenda kûmboria, mboria nthere.” Yiesû aatambûrûkia njara yake amûringithia. Amwîra, “Inkwenda, thera!” Nthûti îmwe muntû ûyu oora mûtigiri.

Amwe na ûgu, nkuma ya Yiesû yatamba nthîgûrû yonthe. Kîrîndî kingî gîa antû gîatua kûûya kûmûthikîîria gîkîorua.