Popular Bible Verses from NGÛGÎ 1

Share

Îndî bûkaagîa inya rîra Kîrundu Ûmûtheru akaabwîndamîîra. Na bûgaatuîka akûûyî baakwa kwanjîîria Njerusaremu, nthîgûrû yonthe ya Njundea, Samaria, mwanka nteere cionthe cia nthîgûrû yonthe.”

Yiesû abacookeria abeera, “Kagiita na tarîki cia mantû mamu i Baaba wenka aituîte kûringana na watho bwake. T'îgûrû rîenu kûmenya i rî ûkeegua kûrî.

Kagiita kamwe barî amwe bakîrîyaga, Yiesû eera atûmwa ûûgû, “Bûtikaume Njerusaremu. Eteeraani bwewe kîewa gîa kwîgua bûrî na Kîrundu Ûmûtheru ûra Baaba eeranire, naani ndabwîra. Njoana aabaatithaniirie na rûûyî. Îndî bûkaabaatithua na Kîrundu Ûmûtheru nyuma ya ntugû inkai ciyîîte.”

Nyuma ya gûkua, Yiesû akûriûka neebonaniirie kîrî bo na njîra inyingî itaarî nkanja. Îgiita na îgiita neebonaniirie kîrî bo bantû a ntugû mîrongo îna akîaragia na bo mantû makonetie ûnene bwa Ngai.

Yiesû akûrîîkia kuuga ûgu, atûmwa bamûcûûbîîte woogu boona aathûkua eetithua îgûrû. Îtu rîamûkunîkîra mwanka aatherekeria baatiga kûmwona.

Bagûtigwa bakûnîîrîîte îgûrû meetho Yiesû eetîîtie, atûmwa boona araîka baîrî beekîrîte nguo injerû barûngi waagu akubî na bo. Araîka babu baaria na bo. Babeera, “Antû ba Gariiri, n'ata bûkûrûtha aaga bûkari bûkûnîîrîîte îgûrû meetho? Yiesû wooyu bwona aathûkua kuuma kîrî biû eetitithua îgûrû akaaya kaîrî na njîra ta înu bwona eetia n'yo.”