Popular Bible Verses from 1 AKORINTHO 6

Share

Ga ûtaiyî mwîrî waku i nyomba ya Ngai ya Kîrundu Ûmûtheru ûra atûûraga ndeni yaku, ûra weerwe i Ngai? Ûtirî waku na bwaku, n'ûntû ka bwagûrirwe goro mûno. Kwoogu ibûbatîîrue bûkumagia Ngai na njîra ira bûtûmagîra na cio mîîrî yenu.

Ka bûtaiyî bara barûthaga mantû mataagîrîte batiewa rûgai rwa ûnene bwa Ngai? Bûtikeebenie. Gûtirî we kîrî bara barûthaga mantû mama akeewa rûgai rwa ûnene bwa Ngai—mûmaramari, mûrombi ngai cia ûrongo, mûthûngîîri, ûra amaamaga na antû arûme ta we, mwamba, mwîrirîîria, mûtogooni, ûra aatuuyagîîra ûra ûngî, na mûtunyani.

Kuthûkaani wîyia bwa ûmaramari. Meeyia mara mangî monthe muntû arûthaga, amarûthagîra ome ya mwîrî wake, îndî ûra eeyagia wîyia bwa ûmaramari, i mwîrî wake wengwa eeyagîria.

Waûmba kwîgua muntû akiuga, “Niû gûtirî ûntû mbonaga bûrî bûthûûku.” Îndî na rîo, mantû mara ûûmba kûrûtha ti meega monthe. Nwa mbuge gûtirî ûntû mbonaga bûrî bûthûûku, îndî niû gûtirî ûntû mbenda bûmbatha.

Kwa inya yake, Ngai naariûkiirie Mwathani. Na kwoogu wana kinya tiû twakua agatûriûkia.