Popular Bible Verses from ROMA, 8

Share

Ua tatou iloa foi e galulue faatasi mea uma e lelei ai i latou e ua alofa atu i le Atua, o e ua valaauina i lona finagalo.

Auā ua ou mautinoa, e le mafaia e le oti, po o le ola, po o agelu, po o alii, po o e malolosi, po o mea i nei ona po, po o mea atali, po o le maualuga, po o le loloto, po o se tasi mea na faia, e le mafaia e ia mea ona faateaeseina mai i tatou i le alofa o le Atua, o loo ia Keriso Iesu lo tatou Alii.

E faapea foi le Agaga ona fesoasoani mai i lo tatou vaivai; auā tatou te le iloa mea tatou te ole atu ai ma le tusa, a e peitai o le Agaga, e fautua o ia mo i tatou i le oi e le mafai ona talatalaina.

O lenei, se a sa tatou upu i nei mea? Afai ua ‘au ma i tatou le Atua, o ai sē faasaga tau mai ia i tatou?

O lenei, ua leai se faasala i e o ia Keriso Iesu, o e le savavali i la le tino, a e i la le Agaga

Auā o le loto i la le tino o le oti lea; a o le loto i la le Agaga o le ola lea ma le manuia

A ua tatou manumalo aiai i nei mea uma lava, ona o ia ua alofa mai ia te i tatou.

Auā o lo‘u manatu e le tatau ona faatusaina le tiga i nei ona po ma le manuia atali e faaalia mai ia te i tatou.

O ai se na te faateaeseina mai i tatou i le alofa o Keriso? o le puapuaga ea, po o le atuatuvale, po o le saua, po o le oge, po o le lavalavā, po o le pagatia, po o le pelu?

A o lē suesue i loto, ua silafia e ia le finagalo o le Agaga; auā o loo fautua o ia mo le au paia e tusa ma le finagalo o le Atua.

Auā o i latou uma ua ta‘ita‘iina e le Agaga o le Atua, o atalii i latou o le Atua.

Auā o e i la le tino e loto atu i latou i mea a le tino; a o e i la le Agaga e loto atu i mea a le Agaga.

O ia lava sa na le faasaoina lona lava Alo, a ua tuuina mai o ia e sui a‘i i tatou uma lava, e le foai fua mai ea e ia ia te i tatou mea uma lava faatasi ma ia i se a?

O loo molimau mai lea lava Agaga i o tatou agaga, o fanau i tatou a le Atua. Afai foi o fanau i tatou, o suli foi, o suli lava o le Atua, o suli faatasi ma Keriso; pe afai tatou te tiga faatasi ma ia, ina ia faamanuiaina foi i tatou faatasi ma ia.

auā o le loto i la le tino o le ita lea i le Atua; auā e le usiusi tai i le tulafono a le Atua, e le mafai foi i ai.

Auā o loo faatalitali mea uma na faia ma le naunau i le faaalia mai o atalii o le Atua.

Auā ua tatou iloa, ua oi faatasi, ma oono faatasi mea uma lava na faia, ua oo mai lava i ona po nei.