Popular Bible Verses from FAATAOTO, 17

Share

E alofa le uo i aso uma lava; a e fanau le uso mo le aso vale.

O le loto fiafia, e fai ma vailaau aoga lea; a o le loto faanoanoa e mamago ai ivi.

O le ua ufiufi le soliga o le tulafono, na te sailia le alofa; a o le ua toe ta‘u le mea, na te faateaeseina uo.

O le ua i ai le poto, e taofia e ia ana upu; o le ua agamalu foi, o le tagata faautauta lea.

O le vale lava, a faalologo o ia, fa tagata, o ia ua poto; o le ua pupuni ona laugutu, fa tagata, o le tagata mafaufau ia.

E lelei si fāsi mea e ‘ai ua magumagu, a o i ai le filemu; a e leaga le fale ua tumu i manu ua fasia, a o i ai le misa.

O le amataga o le finauga, o le tuuina atu lea o le vai; o le mea lea ina tuu ai ia le misa, manū ua le tupu tele.

O le na te ta‘uamiotonu atu i le ua amio leaga, ma le ua faasala i le ua amiotonu, e faatau inosia i laua e Ieova.